蕃滿門 (Closed)

蕃滿門真係學生時期嘅回憶呀～原來而家寶琳都有分店🤩平日晚市去唔算多人，唔使排隊就入得，仲多左好多野食，但係我最懷念都係蕃茄湯同焗飯，所以都係嗌返佢地🤣🍅吉列魚柳拼薯蝦湯粉 $71湯底揀左芝士螺絲粉小辣，芝士融哂喺面真係好吸引🤤配濃郁嘅蕃茄湯底好夾！小辣都幾辣，但就好惹味👅個人認為螺絲粉最掛到湯，所以每次都揀佢😆魚柳幾脆，同茶餐廳差唔多，薯蝦係啲薯仔絲包住隻蝦，係幾好咬嘅小食鴛鴦焗飯 $64貪心想試哂兩隻味😆薑飯係冇薑味的，唔食薑都可以試吓🥰醬汁好濃郁夠熱辣辣，牛腩半肥瘦好淋，芝士豬扒上面啲芝士好拉絲～～蕃滿門辣雞翼 $47/5其實都係蕃茄蓉加溶咗嘅芝士，但係當年超級鍾意食，同雞翼好夾。但係今次略嫌有啲乾，醬汁唔係好夠四季春奶蓋 +$17牛奶味真係好濃，少甜咗唔會太甜西柚水果綠茶 +$20西柚味好真，應該係用新鮮水果，綠茶有茶香味，成杯都有其他生果，好清新😍成餐飯食咗一個鐘到，每人$120～食得好飽都幾抵食