譚仔雲南米線 (Closed)

呢間譚仔都幾大，12點黎到都唔算多人。平時食譚仔通常都係食麻辣，今次試佢既蕃茄湯底，加$2。叫左牛肉墨魚丸，少米線。少米線係可以平$1既，對我黎講，都唔算少，都食唔晒。兩餸加埋$41。蕃茄湯底雖然蕃膏味濃，但食完都唔會好口渴，都幾好味，米線面仲有蕃茄粒添。譚仔既牛肉，墨丸又係冇得輸，牛肉一d都唔韌，雖然牛味唔重，但配埋蕃茄味，都好好食。墨丸彈牙，大粒，有咬口，有墨魚味，兩餸係有四粒架。第一次飲譚仔既豆腐，佢係樽裝既，$9，飲唔晒仲可以拎走添。味道有啖啖既黃豆味，偏甜，但入口都幾滑，豆漿黎講，佢算係好好好好飲。值得一提係，佢真係譚仔出架，元朗製造。