蕃滿門

Open Now

Now Closed

今日搵lunch食行經過蕃滿門難得見到平日Lunch時段唔洗點等位就決定食佢啦。之前都久唔久食佢嘅lunch set嘅，坐地左之後發現佢嘅lunch set轉左款。主菜依然係佢出名嘅炒蛋蕃茄濃湯配意粉/通粉/螺絲粉，轉嘅係set嘅餸。今期有佢另外都幾出名嘅豬手配吉列蝦，見到即刻嗌佢。上菜時間有少少慢，但係上到黎同以前一樣咁吸引。個湯底嘅蕃茄味十分濃，今次碗湯入面仲有原個蕃茄係入面。炒蛋唔係好鹹，但係當有個蕃茄湯嘅時候唔需要鹹。鹹味由個豬手補番。豬手份量比想像中大份同埋好好味。個湯同螺絲粉食到唔停口，絕對會繼續返黎食lunch。