Video
Read full review
2022-07-15
450 views
本身就好鍾意食沾麵，不過平時就食魚介湯底多，呢次就嚟咗呢間大阪過江龍麵店試吓佢嘅雞白湯！😆🔸雞 沾麵 $148沾麵嘅湯底比拉麵更濃同厚身～雞湯味道濃郁而且有鮮味，入面有少量筍、紫洋蔥同嫩滑嘅雞胸肉！湯底用咗泡沫咖啡打泡法，打出一層層綿密嘅泡沫，令口感更豐富，湯底亦更易掛上麵身～沾麵較為粗身有咬口，而且過咗冷河，令口感更彈牙！不過過咗冷河嘅麵條亦令湯底更快變涼🥺另外仲有一塊薄切嘅日式豬肉叉燒，慢煮嘅方法令肉質嫩滑，非常出色！伴碟仲有幾條炸牛蒡！賣相靚得嚟咬落脆卜卜！🔸棵木煙薰糖芯蛋 $15沾麵本身冇跟糖芯蛋嘅，我另外加咗一隻～糖芯蛋入口會食到淡淡嘅煙薰味然後係蛋黄嘅香味，味道好有層次，而且醃製時間控制得好好，唔會太鹹！蛋黄係流心嘅，賣相靚得嚟味道亦好好！🔸座銀炸雞 $48炸雞一份就得三件，每件大概係一至兩啖嘅size，份量略為少咗啲～不過味道唔錯！外表金黃香脆，炸皮非常薄，肉質鮮嫩有肉汁，調味亦恰到好處！到最後食哂沾麵之後，可以同店員講聲加湯～師傅會即場煮熱一壺仔鰹魚昆布湯比你，然後因應自己口味加落雞白湯入面，撈勻然後品嘗埋啲湯，咁就大滿足喇！😆✨總括嚟講，雞白湯非常濃郁，係我鍾意嘅味道
🔸雞 沾麵 $148
沾麵嘅湯底比拉麵更濃同厚身～
雞湯味道濃郁而且有鮮味，入面有少量筍、紫洋蔥同嫩滑嘅雞胸肉！湯底用咗泡沫咖啡打泡法，打出一層層綿密嘅泡沫，令口感更豐富，湯底亦更易掛上麵身～
沾麵較為粗身有咬口，而且過咗冷河，令口感更彈牙！不過過咗冷河嘅麵條亦令湯底更快變涼🥺
另外仲有一塊薄切嘅日式豬肉叉燒，慢煮嘅方法令肉質嫩滑，非常出色！
伴碟仲有幾條炸牛蒡！賣相靚得嚟咬落脆卜卜！
🔸棵木煙薰糖芯蛋 $15
沾麵本身冇跟糖芯蛋嘅，我另外加咗一隻～
糖芯蛋入口會食到淡淡嘅煙薰味然後係蛋黄嘅香味，味道好有層次，而且醃製時間控制得好好，唔會太鹹！蛋黄係流心嘅，賣相靚得嚟味道亦好好！
🔸座銀炸雞 $48
炸雞一份就得三件，每件大概係一至兩啖嘅size，份量略為少咗啲～
不過味道唔錯！外表金黃香脆，炸皮非常薄，肉質鮮嫩有肉汁，調味亦恰到好處！
到最後食哂沾麵之後，可以同店員講聲加湯～師傅會即場煮熱一壺仔鰹魚昆布湯比你，然後因應自己口味加落雞白湯入面，撈勻然後品嘗埋啲湯，咁就大滿足喇！😆✨
總括嚟講，雞白湯非常濃郁，係我鍾意嘅味道！唔會好似某啲店舖咁淡戊戊冇雞味～麵身、叉燒、溏芯蛋等各方面都出色！店員親切，環境舒適（店內洗手間亦非常整潔，而且有獨立包裝嘅漱口水等提供，好細心～），非常值得一試！
Post
