Video
Read full review
2024-04-08
59 views
呢間餐廳一入去就充滿咗櫻花樹嘅佈置，幾有風情。而今次係食Set B澳洲M7套餐，120分鐘$308（20:30後用openrice訂位 8折，就$246），可以任食澳洲M7牛肉、牛板腱、日本茶美豚梅肉等，仲有多款台式小食、甜品同埋台式飲品！💪🏻 椰皇雙子鍋、酒香麻油雞鍋大推佢嘅椰皇雙子鍋，因為用咗椰漿同椰青水，椰子味超濃郁，一上枱就聞到好香椰子味🤤 而且烚完嘅肉都有好香椰味！而麻油雞都好重麻油香！💪🏻 澳洲M7牛胸腹、澳洲卡樂Beef、牛板腱、茶美豚梅肉M7牛胸腹脂肪比較多少少，但油香比較突出。而牛板腱脂肪分布平均，所以食落口感順滑，而且牛味都突出😋 而卡樂Beef同豚梅肉脂肪較多，所以食落口感軟滑！💪🏻 火鍋配料蔬菜幾新鮮，而且火鍋配料都好多選擇，當中不乏台式配料，例如：蛋餃、燕餃、甜不辣等！💪🏻 小食台式小食都係充滿台式風味，台灣腸、鹽酥雞、醉雞、宜蘭蔥肉餅、台南蝦捲等，非常豐富！整體少食質素都唔錯！💪🏻 飲品 飲品種類都非常多，經典台式飲品都有齊，今次試咗四季春同埋白桃紅茶。四季春茶味幾濃，而白桃紅茶會加果肉，桃味幾香！💪🏻 甜品餐廳都有好多甜品選擇，包括movenpick雪糕、
呢間餐廳一入去就充滿咗櫻花樹嘅佈置，幾有風情。而今次係食Set B澳洲M7套餐，120分鐘$308（20:30後用openrice訂位 8折，就$246），可以任食澳洲M7牛肉、牛板腱、日本茶美豚梅肉等，仲有多款台式小食、甜品同埋台式飲品！
💪🏻 椰皇雙子鍋、酒香麻油雞鍋
大推佢嘅椰皇雙子鍋，因為用咗椰漿同椰青水，椰子味超濃郁，一上枱就聞到好香椰子味🤤 而且烚完嘅肉都有好香椰味！而麻油雞都好重麻油香！
💪🏻 澳洲M7牛胸腹、澳洲卡樂Beef、牛板腱、茶美豚梅肉
M7牛胸腹脂肪比較多少少，但油香比較突出。而牛板腱脂肪分布平均，所以食落口感順滑，而且牛味都突出😋 而卡樂Beef同豚梅肉脂肪較多，所以食落口感軟滑！
💪🏻 火鍋配料
蔬菜幾新鮮，而且火鍋配料都好多選擇，當中不乏台式配料，例如：蛋餃、燕餃、甜不辣等！
💪🏻 小食
台式小食都係充滿台式風味，台灣腸、鹽酥雞、醉雞、宜蘭蔥肉餅、台南蝦捲等，非常豐富！整體少食質素都唔錯！
💪🏻 飲品
飲品種類都非常多，經典台式飲品都有齊，今次試咗四季春同埋白桃紅茶。四季春茶味幾濃，而白桃紅茶會加果肉，桃味幾香！
💪🏻 甜品
餐廳都有好多甜品選擇，包括movenpick雪糕、窩夫等。
味道：8.5/10
性價比：7/10
食住瘦指數：💪🏻💪🏻💪🏻💪🏻💪🏻/5 (Gym Friendly)
Post
