村爺爺車仔麵 (Moved) New Location

唔係去開呢頭真係未必知呢度有間車仔麵。門口有電視賣廣告，又有好多雜誌介紹既報道，應該唔會差，就試下。餐牌清楚易明，一目了然！最後選左龍蝦湯底，三 食送 +黑毛豬露筍卷！飲品叫左蘋果汁，飲落呢個牌子既果汁幾好。龍蝦湯公仔麵湯底好濃！飲落甜甜地，好香濃既龍蝦味！唔咸，成碗飲晒都無問題！加上好耐無食公仔麵啦！麵加埋個龍蝦湯食，好味！牛肋條炆得好淋，入晒味。而蘿蔔當造，好清甜，亦炆得好淋，點埋個和牛油鹵水汁同秘製沙爹醬食，好好味！秘製沙爹醬同出面既真係唔同，呢個更香口，辣辣地，無甘結，鍾意食沙爹醬既一定會上引黑豚毛豬露筍卷豬肉肉質較淋，露筍爽口！加埋個麻醬好夾！唔錯既一道小食！！車仔麵黎講，呢間做得唔錯！估唔到有龍蝦湯底，仲有露筍卷！下次會再黎食過！