番茄師兄 (Closed)

蕃茄師兄早前人氣大增，好耐之前食過覺得好食或懶得排隊，相隔一排再經過，見11點左右有位，終於可以再食。跟之前比較，餐牌的選擇增多和設計上有進步，見到老板有心思。首先，推出了早餐選擇，因此價錢便宜而質素不減，太好了。餐飲必點樽仔奶茶，原來推出了小樽款，而加5蚊變得大樽，視乎個人食量，幾好。=樽仔奶茶=奶茶口味地道正宗，比一般茶餐廳的茶底濃烈，甜度適中，而且放雪櫃便不用加冰就保持濃度 (不用越飲越淡) 所以是招牌之一。餐牌的選擇很多，令人想一食再食，很多口味都想試下。今次點早餐關係，所以胃口不大，選了芝士，餐肉和炒蛋而已。炒蛋不會令人失望，入口滑身，份量多。芝士是原片加入，開頭無特別用途，食下食下可以混入蕃茄湯底，令蕃茄芝士互相配合，口味新穎易夾，好食。餐肉份量不多，煎得都ok。