Video
Read full review
2023-06-14
91 views
呢期多左好多專門食雞湯嘅米線，周圍去發掘邊間好味都係我哋嘅樂趣(´ε｀ )♥今次食完呢間之後，口袋名單又+1了～🍽食物👍🏻鮑魚砂鍋雞翅米線 $98 7.5/10見到個份量有啲嚇親😂個砂鍋仲大過我塊面！湯式係濃郁嘅雞湯，清甜唔膩～配料有2隻完整嘅鮑魚，質地彈牙爽口～ 連翅嘅份量都唔少架，保留返口感唔會碎濕濕～ 至於雞件都幾多同幾滑，如果係無骨雞件會更適合我呢啲懶人😝✨砂鍋醉藥雞米線 $68 8.5/10呢個藥膳湯底不得了🥹湯底加入左雞酒，聞落都有少少酒香，但飲落去酒味唔重，反而十分甘甜～飲多兩啖個人即刻暖粒粒😂冬天再嚟食真係一流！雞肉同樣都係咁滑～ 而且份量好大方，唔係斬到碎上～ 至於米線質地係比較淋個種。唔中意米線仲可以轉瀨粉或者刀削麵，呢個配搭都幾新鮮～👍🏻麻辣豬耳 $36 7/10份量同樣好大方，麻辣醬汁係比較乾身，唔係譚仔個種落好多辣油，所以食落冇咁油膩，而且唔算太辣～豬耳爽口，整體都幾重口味，愈食愈開胃～豆漿 +$8烏龍茶 +$8⛩環境👍🏻卡位好闊落，畢竟砂鍋咁大，裝枱都要返咁上下大細先放得落🤣💁🏼♀️服務👍🏻店員友善而且效率好高📝總評 8/10無論係雞湯定藥膳湯都真材實料～十
🍽食物
👍🏻鮑魚砂鍋雞翅米線 $98 7.5/10
見到個份量有啲嚇親😂個砂鍋仲大過我塊面！湯式係濃郁嘅雞湯，清甜唔膩～配料有2隻完整嘅鮑魚，質地彈牙爽口～ 連翅嘅份量都唔少架，保留返口感唔會碎濕濕～ 至於雞件都幾多同幾滑，如果係無骨雞件會更適合我呢啲懶人😝
✨砂鍋醉藥雞米線 $68 8.5/10
呢個藥膳湯底不得了🥹湯底加入左雞酒，聞落都有少少酒香，但飲落去酒味唔重，反而十分甘甜～飲多兩啖個人即刻暖粒粒😂冬天再嚟食真係一流！雞肉同樣都係咁滑～ 而且份量好大方，唔係斬到碎上～ 至於米線質地係比較淋個種。唔中意米線仲可以轉瀨粉或者刀削麵，呢個配搭都幾新鮮～
👍🏻麻辣豬耳 $36 7/10
份量同樣好大方，麻辣醬汁係比較乾身，唔係譚仔個種落好多辣油，所以食落冇咁油膩，而且唔算太辣～豬耳爽口，整體都幾重口味，愈食愈開胃～
豆漿 +$8
烏龍茶 +$8
⛩環境
👍🏻卡位好闊落，畢竟砂鍋咁大，裝枱都要返咁上下大細先放得落🤣
💁🏼♀️服務
👍🏻店員友善而且效率好高
📝總評 8/10
無論係雞湯定藥膳湯都真材實料～十分欣賞用砂鍋上keep住個溫度，因為食湯麵最驚就係湯唔夠熱，食落會好冇癮🫠佢哋嘅米線食到最尾個啖都仲係熱辣辣～咁樣先會留下一個完美嘅句號🫶🏻
👛人均消費 ~$100(冇加一)
⏱冇限時
Post
