南翔饅頭店 (Closed)

銅鑼灣南翔小籠包,入座已經有呢兩碟花生,酸菜擺係枱,入座前後唔會有waiter or waitress同你講要收錢,餐牌更加無寫,成張枱擺係度嘅餐牌都無寫,連門口擺係度嘅餐牌,櫃位都無提汲過,直到埋單時發現小食x2,收費每碟$20!問佢咩唻?我無叫過小食,個waitress先話擺係枱度碟酸菜同花生,我話無叫過,佢話擺係度你哋客人唔自己主動提出唔要,我哋都要收費,我話咁枱面的醬油,醋,碗筷要唔要收錢?我都無叫過,個waitress即時話咁我幫你取消個小食啦!之後返轉頭再講,你下次唔要就出聲同我哋講,我哋會拎走,如果唔出聲都要比錢!然後再拎餐牌唻同我講,餐牌有寫小食$20碟,係飲品個板,我話餐牌有寫但我無叫,你哋自己擺底,我唔出聲就當我有叫,咁樣你支醬油,醋,碗碟又無寫價錢,我又無叫,咁係咪埋單收$500一樣,我都要比呀?佢話呢啲係必需提供比食客,所以唔收錢,我話我剩係知道擺係枱面上,而又無價錢或明示要收錢,都係免費用嘅,如果你哋咁樣係叫濫收費用!!!個waitress即時話反映比公司聽..想提醒各位食客小心.