Goobne Chicken (V Point)

Open Now

Now Closed

Goobne Chicken 主打韓國烤雞，比起一般韓國炸雞健康啲同埋更加可以鎖住肉汁。見佢出左款芝加哥pizza，話有5種芝士，望落厚身得黎面頭鋪上滿滿既芝士🤩芝士控望到即刻流曬口水。  1⃣️芝加哥薄餅（$188）呢個pizza真係不得了啊😍芝士烤到金黃色，每一啖都係好濃既芝士香，絕對唔係淨係面頭有啲芝士咁，係成個pizza都係厚厚既芝士，芝士下面仲有啲蕃茄醬，令成個pizza食落唔會淨係得芝士味，食落味道更加豐富。另外個餅皮焗得好脆！好好味！  2⃣️甜辣烤雞（$128）呢個午市套餐包半隻烤雞、魚片湯、凱撒沙律、薯角、白飯同埋飲品。幾抵食。烤雞既皮烤得幾脆，入面既肉仲係好嫩滑有肉汁🤤第一次食烤雞覺得好好味。不過我就甜辣醬味道唔夠濃。但係都係好味既👍  3⃣️蜜糖咖喱烤雞（$128）呢個都係午市套餐黎，其實冇諗過半份炸雞份量都幾多，好食又抵食🥰蜜糖咖喱烤雞好好味，面頭有少少甜甜地既蜜糖香，然後咬落會食到佢入面有啲咖喱味，配合埋佢嫩滑既雞肉同埋佢比既醬點黎食，我好鍾意。