大葉日本料理 (Closed)

睇咗之前D食評，個個都寫得幾好，於是就訂枱去品嚐，我地九個人7點鐘去到全場得一枱客係度，心想品評咁好無理由得一枱客？？？食完之後就知點解喇！我地全部人點咗廚師推介，第一度菜先嚟個普通沙律，之後全無鮮味嘅什錦刺身，海膽加青瓜卷，包海膽D紫菜又淋又濕，完全唔掂！柚子雞翼，豬肉蛟子，呢D咁普通嘅嘢都上得枱，真係服咗呢間日本料理，廚師推介喎，唉.........！三文魚刺骨邊，下欄到唔下欄，全無味道嘅福袋雪藏螺肉，天婦羅，呢款都似返少少樣，跟住嚟個美國肥牛包住條蘿蔔嘅卷，都唔知係乜嚟，睇到都唔想食，魚湯烏冬，最後嚟個普通甜品，乜嘢北寄貝,和牛，都唔知去咗邊，食完就知道點樣瀨晒嘢喇，埋單六百蚊一位，仲話打咗個九折添喎！食D咁嘅所謂廚師推介嘢，真係三百蚊都唔值！唔怪之得成晚都係得兩枱客啦！呢鑊嘢擺明係比人整蠱，絕對唔會再有下一次！