聰。C Dessert

Open Now

Now Closed

今日相約朋友係灣仔見面，食完飯後朋友帶我去食係灣仔好出名的糖水舖，下晝一點幾竟然差唔多full house實在太誇張，入到餐廳見到牆上有劉德華先生嘅提筆十分搶眼，座位緊貼，好有溫度。呢度糖水選擇好多，有傳統中式糖水如桑寄生蓮子蛋茶、川貝圓肉燉雪梨，亦有以豆腐花、刨冰、椰果冰、仙草凍、西米露、牛角窩夫製作嘅甜品。我地點了香蕉朱古力醬焦糖脆脆牛角窩夫同埋鮮什果水晶珠。鮮什果水晶珠有草莓、西瓜、哈密瓜、蜜瓜、芒果和香蕉，什果好新鮮，配上粒粒水晶珠卜卜爆聲口感非常之特別，記得撈埋係底既濃濃芒果汁嚟沾上鮮果，十分fresh!香蕉朱古力醬焦糖脆脆牛角窩夫，個窩夫係用牛角包壓成，口感鬆脆，配上香蕉、朱古力醬和焦糖醬十分搭配，最特別係食焦糖脆脆咬落去卡卡聲配上雪糕成件事好好味好幸福。見到隔離枱嗌左個必食推介的榴槤水晶珠，成碗都係榴槤肉，啖啖榴槤肉真係看到心心眼😍，因為太飽，下次先可以嗌嚟食。呢度有14個自選配搭，點配搭由自己話事。