一起食堂 (軒尼詩道)

Open Now

Now Closed

同朋友啱啱去完灣仔會展睇展覽，已經好肚餓，行行吓就撞到「一起食堂」原來開咗分店。一於決定再試試！因為太耐無食台灣野，我叫左個花雕麻油雞湯麵，一碗熱辣辣嘅湯麵上嚟。雞肉好嫩好多汁，仲有麻油嘅香味，湯底清澈又有味道，另外仲俾咗一杯花雕酒可以直接加落碗麵度，每一口都充滿酒香，另外仲有兩隻大冬菇同一啲配料。之後，當然唔少得食牛肉麵，朋友叫左一個紅燒三寶牛肉麵！真係好吸引人，足足有四大嚿牛肉，另外仲有一舊紅蘿蔔同一嚿白蘿蔔。牛肉經過紅燒嘅烹調，好鮮嫩多汁，一咬就化喇。彈牙嘅麵條同濃郁嘅湯汁一齊食，真係好滿足。我哋仲嗌咗一份鹽酥雞，每一塊鹽酥雞都炸得金黃酥脆，一咬落去有好香脆嘅口感。外層嘅鹽酥調味剛剛好，又唔會太鹹，食到停唔到口！比較特別係一度叫府城蝦卷的小食，係我哋嘅下一道驚喜。脆脆嘅外皮包住鮮嫩多汁嘅蝦肉，每一口都充滿海鮮嘅鮮甜。再沾上佢哋特製嘅醬料，蝦卷嘅味道更加豐富，令人回味無窮。最後，我哋叫咗杯仙草奶茶，正正常常。