NOC Coffee Co. (Closed)

之前試過NOC係soho及西營盤兩間分店，食物質素高之外，自己一直對佢嘅咖啡念念不忘！早前知道NOC進駐灣仔，今日終於行過買番杯flat white! 灣仔店相信以外賣咖啡為主，因為店面比較細 (好似有少量坐位)。今次選擇左果香味較濃的豆子，隨左牛奶本身帶少少甜味外，呢杯flat white唔使落糖都果香同果甜味十足！非常容易入口！仲有一點，NOC嘅外賣杯個杯蓋唔係普通膠蓋黎架！係可以由生物自行分解嘅環保物料做，紙質嘅質感，好有心，值得欣賞！