City Dancer Grill & Live Music Bar

Open Now

Now Closed

今日同朋友食飯,想搵間環境好D嘅餐廳,揀左呢間位於銅鑼灣恒匯中心頂樓餐廳,有落地大玻璃,可以睇到灣仔跑馬地景色,仲可以見到跑馬地馬場, 樓底高,座位舒服。餐廳可以上一層去天台有個空中花園可以上去影下相,天氣無咁熱都可以上去飲下野。餐廳食物選擇好多,個drink list都好特別,打開會發光咁。泰式青木瓜鮮蝦沙律落單嘅時候店員特別提我地有鮮蝦,驚客人有海鮮敏感,非常細心。鮮蝦爽口彈牙,青木瓜加埋酸汁一齊食,非常開胃,分量都唔少。Cold Cut Platter一上枱已經覺得份量好多,食落肉質柔軟,淡淡的甘甜芳香,唔會死咸。慢煮澳洲和牛面肉、牛根忌廉闊條麵店員介紹呢個係最多人點嘅菜式,牛面肉厚切,啖啖肉好滿足,肉質好腍,闊條麵軟硬度與口感唔錯,加埋醬汁食得出有少少芝士,配合得好好。黑松露薯蓉質地好creamy,好重黑松露味,望落好似好細碟,但其實都好多。Kiwi Flip Flop & Blueberry Fizz叫左2杯mocktail味道都唔錯,有果味又唔會好甜,好清新。