C DESSERT

Open Now

Now Closed

灣仔其中之一間好多人排隊嘅糖水店之一:聰C!有時候下午經過或者係夜晚經過都係咁多人排隊，不過又真係幾好食！雖然地方唔算太大，但係啲人食完都好快走，所以等都唔會太耐！甜品種類都幾多，有傳統中式，亦有滋補糖水，也有很多打卡類等…生磨合桃露： 我比較喜歡吃熱的，好香合桃味，幼滑得嚟仲食到少少合桃顆粒，比較喜歡呢種，好口感啲，甜度適中。椰汁麻糬仙草凍：材料好豐富，個名已經講晒。椰汁香濃，仙草爽彈，麻糬軟糯，仲加咗珍珠好咬口，幾種口感集齊晒。豆漿白果腐竹薏米：真係用咗豆漿整，因為熱辣辣嘅豆漿放涼咗，面頭就會形成一層鮮腐皮，可以食埋，好香黃豆味。啲白果煲到好軟糯，薏米都好冧，都係不太甜。