川流 (Closed)

作為中國四大菜系之一嘅川菜，善用花椒、胡椒、辣椒、薑、蔥、蒜等調味料，以麻、辣、鮮、香為特色。灣仔川流將傳統川菜加入現代元素，令大家耳目一新，餐廳裝修雅致，以黑色為主，更有吧枱，玩味十足！四小碟前菜一坐低就送上四小碟前菜，前菜同餐廳裝修一樣一啲都唔馬虎，有爆谷、枝豆、醃椰菜同花生，四樣嘢都有少少辣味，a touch of川菜，非常醒胃！蒜泥本地黑毛豚白肉這個蒜泥白肉賣相非常精緻，黑毛豚白肉切得很薄，肉質腍身，肥瘦均勻，另外蒜蓉份量啱啱好，蒜味香濃，粉皮仲吸收曬麻辣香，非常惹味！醋椒胡辣羹店員介紹醋椒胡辣羹採用柬埔寨胡椒，一打開個蓋就有陣陣胡椒味，辣味啱啱好，無蓋過胡椒同鮮味，裏面仲有筍絲、木耳、豬血等材料，正！小籠包小籠包皮薄餡靚，夾落去又唔易穿，湯汁同肉汁也很豐富，最得意係醋以打針嘅方式注入小籠包內，玩味十足。水煮魚片食川菜當然要食水煮魚啦，呢個水煮魚雖然份量比較少，但係呢度搭夠。個水煮辣味唔係得個辣字，有辣椒香同微微麻辣。另外，魚片肉質鮮嫩，完全無骨，加埋吸曬味嘅芽菜，真係無得彈！乾煸四季豆食咗咁夠肉，當然要食返個菜啦！四季豆新鮮香脆，炒得非常惹味！（記住Like同Share畀朋友