Video
Read full review
2023-06-23
2637 views
位於灣仔嘅一條巷仔，隱世但位置唔難搵從未見過一間cafe個餐牌有咁多款選擇🤯egg benedict、奄列、三文治、意大利飯、意大利麵、意大利包、法式crepe都有，每個底下仲有六至八個唔同配搭另外有lunch set，包沙律或餐湯、主食、飲品諗咗好耐食咩，好多嘢都想試▶️ 香煎魚柳牛油果醬意大利包 Pan- fried sole dish guacamole and salad ($93)最後揀咗呢個因為lunch menu平過散叫，估唔到佢幾大份意大利包 (ciabatta)係1.5x漢堡包size🍞質感軟綿有嚼口 (尤其底嗰塊)😍，面嗰塊個邊仲有啲脆，似baguette麵包冇搽牛油，但本身帶少少牛油香味，食落亦鹹鹹地，齋食都好味上面放上兩大條香煎鱈魚柳🐟 肉質鮮嫩唔鬆散，輕輕用鹽調過味，雪藏但有魚味幾驚喜係佢嘅牛油果醬 (Guacamole)，味道酸酸地好開胃，應該係落咗青檸 (lime)，其次食到香草味 (herbs)🌱牛油果本身好熟🥑整成醬好幼滑creamy，牛油果味亦好香，成個醬同魚柳非常夾味，帶啲墨西哥風味🇲🇽蕃茄鮮甜多汁，令麵包食落冇咁乾旁邊嘅生沙律菜用上柚子醋油，健康又
從未見過一間cafe個餐牌有咁多款選擇🤯egg benedict、奄列、三文治、意大利飯、意大利麵、意大利包、法式crepe都有，每個底下仲有六至八個唔同配搭
另外有lunch set，包沙律或餐湯、主食、飲品
諗咗好耐食咩，好多嘢都想試
▶️ 香煎魚柳牛油果醬意大利包 Pan- fried sole dish guacamole and salad ($93)
最後揀咗呢個因為lunch menu平過散叫，估唔到佢幾大份
意大利包 (ciabatta)係1.5x漢堡包size🍞質感軟綿有嚼口 (尤其底嗰塊)😍，面嗰塊個邊仲有啲脆，似baguette
麵包冇搽牛油，但本身帶少少牛油香味，食落亦鹹鹹地，齋食都好味
上面放上兩大條香煎鱈魚柳🐟 肉質鮮嫩唔鬆散，輕輕用鹽調過味，雪藏但有魚味
幾驚喜係佢嘅牛油果醬 (Guacamole)，味道酸酸地好開胃，應該係落咗青檸 (lime)，其次食到香草味 (herbs)🌱
牛油果本身好熟🥑整成醬好幼滑creamy，牛油果味亦好香，成個醬同魚柳非常夾味，帶啲墨西哥風味🇲🇽
蕃茄鮮甜多汁，令麵包食落冇咁乾
旁邊嘅生沙律菜用上柚子醋油，健康又清新🥗
成碟都好好食，一粒麵包碎都唔淨🤣
香煎魚柳牛油果醬意大利包 Pan- fried sole dish guacamole and salad
$93
90 views
0 likes
0 comments
▶️ 蟹肉菠菜奄列伴沙律及多士 Crab meat spinach omelette with toast and salad ($93)
朋友叫嘅，奄列幾巨型厚身，成個souffle pancake咁，佔成隻碟嘅一半
外表望落乾身，切開入面就見到好濕潤
落咗唔少菠菜🥬蟹肉雖然肉眼睇唔到，味道卻十分出，有蟹嘅鹹海水味🦀
不過覺得奄列味道偏淡，唔似港式茶餐廳奄列咁有牛油/牛奶香味，可以落多啲鹽或自行落黑胡椒調味
多士似酸種麵包，朋友話好硬唔脆，最後放棄咗
蟹肉菠菜奄列伴沙律及多士 Crab meat spinach omelette with toast and salad
$93
49 views
0 likes
0 comments
-
食物味道唔錯，比預期高質
鍾意佢款式夠多，連奄列都有八個選擇😂幾有興趣試佢啲crepe
下午1:00左右滿座要等位，多為附近返工嘅OL或高級師奶s黎同朋友聚餐，一去到2:00左右就散band好多位
內在環境帶啲英倫風/ business feel，小人嘅話幾寧靜舒服
一開始服務麻麻哋，Menu寫住至少每人消費一杯飲品，於是我問侍應係咪叫咗嘢食就唔使叫飲品，但係佢問非所答，淨係話lunch set包飲品🤷🏻♀️可能佢誤會咗我個問題掛
不過去到埋單態度就OK嘅
價錢還好，本身嫌佢貴，好在份量夠足食得飽，計埋加一大概$120/ 人，當cafe咁坐同朋友吹吓水都值
如果大家想搵間靚嘅All day breakfast/ brunch食吓，不妨考慮呢間，可以話係鬧市中嘅綠洲～
Post
