Boy n Burger (Closed)

有日經過見到灣仔依間美式漢堡店🍔，裏面用上藍色和黃色瓷磚做裝修，都幾搶眼👀。而且價錢親民，牛肉漢堡最平$28有交易😯，亦有魚柳🐟、炸雞🐓漢堡和熱狗🌭可選擇，仲有素菜款黃金豆腐🍘漢堡。漢堡店亦有推出全新漢堡系列，醬汁會比較特別🍯。店內有自助下單機，方便快捷💯🍔 雙層BBQ芝士漢堡漢堡裏面有兩塊自家製香煎牛肉漢堡🐂，牛肉味夠香濃，有肉汁，加埋半溶芝士🧀、煮得入味的洋蔥粒🧄和青瓜🥒，再搭配BBQ醬🥣，口感豐富！🍔 煙肉雙層芝士漢堡 牛肉漢堡🐂搭配煎得香脆的粒粒煙肉，煙肉🥓唔會好油膩，再加入半溶芝士🧀和洋蔥粒🧄，搭配蕃茄醬🍅，好滋味！🍟 辣肉醬芝士薯條取餐時店員貼心地提醒我地要趁熱食，幼薯條面頭有辣肉醬🐖、芝士🧀、酸瓜🥒和青蔥粒。芝士半溶，可以拉絲，肉醬有點辣，加埋酸瓜🥒都幾解膩，酸酸辣辣幾惹味👍🏽。🥔 炸薯粒薯粒炸得金黃香脆但唔會乾，咬落裹面仲有薯容質感😋。至於飲品方面，估唔到漢堡包店都有咁多選擇，除左汽水🥤，仲有奶昔🥛、各款咖啡☕、果汁等等。漢堡包店依家做緊優惠，10月23日前買任何漢堡或餐會送兩件雞翼🐓😍。