露面手工拌麵料理

今日試下呢間主打手工拌麵既餐廳，我地叫左一個一人拌麵套餐，配小食同埋飲品/湯，另外再叫多個湯麵試下。《麻辣雲耳》小食我哋揀咗麻辣雲耳，雲耳爽口，麻辣汁辣得嚟帶點酸，非常開胃。《野生松茸鮮雞湯》雞湯嘅味道好鮮甜，入面好足料，松茸同埋雞肉嘅份量都好多，飲落感覺好滋補。《嫩雞白布湯闊面》啲麵真係闊到成塊布，大大塊咁幾得意，咬落去麵質幾彈牙煙靭。湯底係奶白色，飲落都幾香滑，而且雞肉同埋小唐菜嘅份量好多。《台式滷肉拌麵》滷肉有肥有瘦，滷得好入味。滷肉汁好掛麵，拌勻之後每條麵都吸收晒啲滷肉汁。《秘製香糟醉雞》雞肉醃得好入味，酒味好濃郁。而且肉質嫩滑，都幾大嚿，仲有雞髀添。