杜老誌大飯店 (Closed)

餐廳以前係食小菜嘅，但最近已經變咗做火鍋店，提供全新嘅餐牌去吸引人哋去打邊爐同埋打卡！餐廳裝修以舊式香港為藍本，超有八九十年代嘅香港風味！ 🍴 火鍋海鮮船 (2人份) ($388) ⭐️⭐️⭐️⭐️侍應推介嘅海鮮船睇落都幾大份，包括左好大隻嘅南非鮮鮑魚、大蟶子皇、海蝦、魚片同埋大肉蟹。當中嘅大蟶子皇同埋魚片印象比較深刻，因為真係幾新鮮，食入口幾滑幾爽，正野！另外海蝦都真係幾生猛，上菜嘅時候佢仲係郁緊㗎！🍴 安格斯牛頸脊(大) ($298) ⭐️⭐️⭐️⭐️💫啲色真係好靚，大份得來而且望落都擺得好靚好吸引，呢個真係幾有驚喜，佢唔係話好薄切，但係食落一啲都唔韌，牛味亦都好重，推介！🍴 清甜椰子雞湯 ($158) +大紅袍招牌麻辣湯 ($108) ⭐️⭐️⭐️⭐️椰子雞湯入面真係有齊椰子同埋雞肉，唔係求其用啲湯包沖出嚟，個湯底真係可以當湯飲。麻辣湯配埋唐生菜($38)同埋烏冬($38)，吸收哂麻辣湯嘅精華，完完全全食到呢個湯嘅精髓！.............................. 杜老誌大飯店地址📍: 灣仔杜老誌道6號群策大廈7樓總評分: 8.4/10 .........................