Video
Read full review
2017-08-18
356 views
最近男朋友喺灣仔返工，今日見得閑就特登搵佢食個lunch ,見佢返工咁辛苦，就算係午餐都要好好慰勞佢啊！我同佢都特別鍾意食西餐，行過見到餐廳入面坐滿晒人，啲裝修帶有田園小清新嘅感覺，環境舒適，而餐牌嘅價錢亦都幾合理，所以我哋都二話不說咁入咗去食啦。我地叫咗個和牛漢堡同埋黑松露野菌飯。兩個送嘅賣相非常之吸引，真係睇都睇到我哋流晒口水。個和牛漢堡值得一讚嘅係佢隻蛋，一咬落去啲蛋汁流晒出嚟，同我哋平時食開嘅漢堡非常之唔同，值得一試至於呢個黑松露野菌飯，我同我男朋友都覺得太過濃味，食兩啖就要飲水，所以食落會有太濟嘅感覺總括來講，呢餐午餐對我地來講唔算係10分驚艷，但呢間餐廳嘅上菜速度都算非常之快，男朋友食完之後仲有得休息一陣先再返工。所以我哋都推介附近嘅打工仔黎一試呢道既野食！
我同佢都特別鍾意食西餐，行過見到餐廳入面坐滿晒人，啲裝修帶有田園小清新嘅感覺，環境舒適，而餐牌嘅價錢亦都幾合理，所以我哋都二話不說咁入咗去食啦。
我地叫咗個和牛漢堡同埋黑松露野菌飯。兩個送嘅賣相非常之吸引，真係睇都睇到我哋流晒口水。
個和牛漢堡值得一讚嘅係佢隻蛋，一咬落去啲蛋汁流晒出嚟，同我哋平時食開嘅漢堡非常之唔同，值得一試
至於呢個黑松露野菌飯，我同我男朋友都覺得太過濃味，食兩啖就要飲水，所以食落會有太濟嘅感覺
總括來講，呢餐午餐對我地來講唔算係10分驚艷，但呢間餐廳嘅上菜速度都算非常之快，男朋友食完之後仲有得休息一陣先再返工。所以我哋都推介附近嘅打工仔黎一試呢道既野食！
Post
