Video
Read full review
2022-12-27
64 views
🍔Bobby漢堡 套餐 $90 (10/10)兩塊牛肉，芝士生菜蕃茄青瓜洋蔥，特製醬汁，個包都好鬆軟，牛肉比較薄身，非常香濃嘅牛味，又有肉汁 ，好欣賞佢生菜比例比較多，食落去好清新唔會油膩，醬汁有少少似千島醬，酸酸地好解膩，係食最原始嘅漢堡包味道，$100唔使嘅套餐真心好好食！🍔 煙肉雙層芝士漢堡 套餐 $98 (9/10)比起普通嘅burger呢個就多咗煙肉嘅香味，不過煙肉係比較硬少少。🍟炸薯粒 (9/10)呢個根本就係薯餅嘅粒粒版，食到入邊有粒粒薯粒，真心好食，點茄汁絕配！🍟辣肉醬芝士薯條 +$20 (10/10)冇諗過咁大份，辣肉醬上面有墨西哥嘅辣椒，真芝士碎燒香過，辣肉醬非常香辣，但唔會好辣，係好過癮，食到有肉粒，幻身薯條都香脆，芝士好香，🍗3件炸雞籃 $45 (7/10)炸雞意外有驚喜，有雞翼，雞髀肉同埋雞胸。新鮮炸起炸粉好薄，味道係比較似黑椒炸雞，雞胸都唔會太老，味道都唔錯，不過啊唔需要特別叫嚟食，性價比唔高，同埋都幾細舊。🥤Biscoff 焦糖味奶昔 +$30 (8/10)上面有層忌廉，呢個完全係Biscofd餅乾嘅味道，非常香濃，甜到剛好，質感好似食緊用咗嘅雪糕咁？推薦
兩塊牛肉，芝士生菜蕃茄青瓜洋蔥，特製醬汁，個包都好鬆軟，牛肉比較薄身，非常香濃嘅牛味，又有肉汁 ，好欣賞佢生菜比例比較多，食落去好清新唔會油膩，醬汁有少少似千島醬，酸酸地好解膩，係食最原始嘅漢堡包味道，$100唔使嘅套餐真心好好食！
🍔 煙肉雙層芝士漢堡 套餐 $98 (9/10)
比起普通嘅burger呢個就多咗煙肉嘅香味，不過煙肉係比較硬少少。
🍟炸薯粒 (9/10)
呢個根本就係薯餅嘅粒粒版，食到入邊有粒粒薯粒，真心好食，點茄汁絕配！
🍟辣肉醬芝士薯條 +$20 (10/10)
冇諗過咁大份，辣肉醬上面有墨西哥嘅辣椒，真芝士碎燒香過，辣肉醬非常香辣，但唔會好辣，係好過癮，食到有肉粒，幻身薯條都香脆，芝士好香，
🍗3件炸雞籃 $45 (7/10)
炸雞意外有驚喜，有雞翼，雞髀肉同埋雞胸。新鮮炸起炸粉好薄，味道係比較似黑椒炸雞，雞胸都唔會太老，味道都唔錯，不過啊唔需要特別叫嚟食，性價比唔高，同埋都幾細舊。
🥤Biscoff 焦糖味奶昔 +$30 (8/10)
上面有層忌廉，呢個完全係Biscofd餅乾嘅味道，非常香濃，甜到剛好，質感好似食緊用咗嘅雪糕咁？
推薦指數: 10/10
呢個價錢呢個質素真係值得攞10分，個人認為平平哋又食到咁高質嘅漢堡，吊打好多連鎖店！加上小食都好有新意，平嘅套餐都係$100有找，真係幾唔錯！
Post
