銀座神樂屋 (Closed)

今日去咗灣仔食晏晝飯～由於一行太多人，所以我哋一早訂咗位，去到等左5分鐘到就可以入去坐啦～餐廳非常寬敞，面積好大，餐廳安排左幾張枱拍埋俾我哋午市定食嘅選擇都幾多，我就揀咗呢款有八件壽司同埋湯烏冬嘅餐。佢有埋前菜同埋甜品。前菜普普通通，冇乜印象。主菜嘅壽司我覺得一般，魚生咁個唔算高質素，尤其是係吞拿魚，唔夠肥，冇乜吞拿魚味。 反而熟嘅壽司就正正常常，不過不失啦湯烏冬係麵豉湯湯底，配上香蔥同埋天婦羅嘅咋皮，幾有層次感幾特別～ 最後甜品係哈密瓜雪糕，味道好假，食咗一兩啖就停咗手埋單連埋+1多過$100，感覺普普通通，可一不可再。