杜老誌大飯店 (Closed)

朋友最鍾意打邊爐，次次約食飯都要去打邊爐，今次嚟咗呢一間比較港式嘅邊爐，估唔到都幾特別，環境好搞笑好多打卡位，仲有啲性感女郎陪着你打邊爐😂😂嘢食嘅種類都算幾多下，價錢唔會太貴，人均大概$300.400一位比較特別嘅係呢度仲有啲即整小菜，我哋就叫咗個椒鹽鱔球，熱辣辣都幾好食，都幾新鮮，$95來講份量都算幾多，炸粉都唔算太厚可以接受。竹笙釀墨魚，呢個比較特別原來係竹笙入邊包左啲墨魚滑，口感豐富鮮鵝腸，大大條，有少少肥膏，又爽又正棉花魚肚，放落麻辣湯底嗦晒啲湯汁！沙嗲豬頸肉，沙嗲味都幾濃郁，豬頸肉爽口，仲要只係$52好抵食大大碟。另外仲叫咗鴨血，豬紅，冰豆腐放入麻辣湯底，又麻又辣好滿足。