牛霸小麵店 (Closed)

☞ 大家覺唔覺得一間餐廳嘅裝修吸引，會令成個用餐體驗更加好🤓呢間位於灣仔巷仔，主打台灣菜嘅牛霸小麵店，就咁睇裝修完全估唔到係賣台灣嘢🤣因為入面裝修超型，有好多霓虹燈同復古裝修，晚市嚟講唔算多人，都坐得幾舒服～🍴排骨肉燥麻辣乾拌麵（$70）❖ 我哋揀咗麻辣肉燥乾拌麵，仲轉咗做手打麵，佢食落麻麻辣辣咁好惹味，而且份量都好多，推薦重口味嘅朋友試吓😆❖ 另外佢個排骨超大份，肉質都幾淋身，調味足夠👍🏻🍴蕃茄豬軟骨湯麵（$68）❖ 一上枱聞到個蕃茄味非常香濃，流晒口水🤤佢個麵同麻辣肉燥拌麵有少少唔同，呢個偏向闊身啲啲，不過就唔係好煙韌，有幾大件豬軟骨，呢個價位喺晚市來講都幾抵😙🍴台灣夜市拼盤（$48）❖ 另外仲嗌左個小食拼盤，有花枝丸、鹽酥雞、台灣腸、滷豆腐。全部份量都係比較適合一至兩個人share，整體不過不失。🍴曖昧中的雞翼（$35）❖ 我哋仲嗌左一碟酸辣雞翼，即係炸雞翼配上酸辣醬汁，雞翼都係比較大件嗰種，正常發揮👌🏻🍴香芋珍珠奶茶（跟餐加$13）🍴荔枝玉露（跟餐加$9）❖ 最尾我哋嗌左兩杯嘢飲，係超經典嘅台灣味道啊🤣