Video
Read full review
2023-10-15
1655 views
-貴德宮私房素宴 🥬一向都係食肉獸既我 係朋友既誠意推介下去左呢間位於灣仔既素菜私房菜試試🥬餐廳位置近電車站 好易就搵到上去環境古色古香 每眼枱都有屏風做間隔私隱度高 而家座位空間都好闊落舒適~私房菜特別在於菜單會係廚師預先設計唔洗自己揀食咩 一坐低就可以直接上菜當晚總共食左11道菜 第一次食素菜都覺得幾滿足呢💚🥬鰻月花卷千色拼盤前菜拼盤內容物非常豐富 分別有：+ 涼拌粉皮 - 用麻醬將珊瑚草 青瓜 柚子 木耳 豆乾撈勻+ 荷蘭蕃茄配皮蛋 甜甜鹹鹹的+ 壽司卷 ：卷有醃蘿蔔 素鰻魚 口感較為鬆軟🥬翠映芙蓉餃橙色餃子皮係用左甘荀造 包住白菜餡料 配搭西蘭花湯 整體顏色鮮艷 係健康既味道~🥬月光寶盒其實係炸芋頭 芋蓉入面有素叉燒 + 翠玉瓜粒 + 薄荷碎點上冰梅醬 食落唔會好膩 芋頭味最為突出 仲幾有口感🥬照燒釀水果椒其實係水果椒入面釀有素紅肉(aka 素火腿) 配柚子醬素紅肉口感上都真係幾似食真肉 食落酸酸甜甜的🥬芝士焗黄金茄子用上泰國茄子 小小圓圓一粒 食落脆口 本身帶有微澀味用菇皇醬同鹹蛋黃做調味 再淋上芝士黎焗 都幾香口🥬花好月圓賣相係好似一粒大湯圓 其實係用水晶皮做既餃子煙韌微
貴德宮私房素宴 🥬
一向都係食肉獸既我 係朋友既誠意推介下
去左呢間位於灣仔既素菜私房菜試試🥬
餐廳位置近電車站 好易就搵到上去
環境古色古香 每眼枱都有屏風做間隔
私隱度高 而家座位空間都好闊落舒適~
私房菜特別在於菜單會係廚師預先設計
唔洗自己揀食咩 一坐低就可以直接上菜
當晚總共食左11道菜 第一次食素菜都覺得幾滿足呢💚
🥬鰻月花卷千色拼盤
前菜拼盤內容物非常豐富 分別有：
+ 涼拌粉皮 - 用麻醬將珊瑚草 青瓜 柚子 木耳 豆乾撈勻
+ 荷蘭蕃茄配皮蛋 甜甜鹹鹹的
+ 壽司卷 ：卷有醃蘿蔔 素鰻魚 口感較為鬆軟
🥬翠映芙蓉餃
橙色餃子皮係用左甘荀造 包住白菜餡料
配搭西蘭花湯 整體顏色鮮艷 係健康既味道~
🥬月光寶盒
其實係炸芋頭 芋蓉入面有素叉燒 + 翠玉瓜粒 + 薄荷碎
點上冰梅醬 食落唔會好膩 芋頭味最為突出 仲幾有口感
🥬照燒釀水果椒
其實係水果椒入面釀有素紅肉(aka 素火腿) 配柚子醬
素紅肉口感上都真係幾似食真肉 食落酸酸甜甜的
🥬芝士焗黄金茄子
用上泰國茄子 小小圓圓一粒 食落脆口 本身帶有微澀味
用菇皇醬同鹹蛋黃做調味 再淋上芝士黎焗 都幾香口
🥬花好月圓
賣相係好似一粒大湯圓 其實係用水晶皮做既餃子
煙韌微厚既外皮 包住竹笙 小唐菜 雞脾菇 等等
配搭桂花汁打底 食落清甜湯汁同餡料鹹鮮既對比
🥬粉葛牛大力養生湯
個人幾中意飲呢個湯 飲得出係好足料 有媽媽既味道
入面有粉葛 牛大力 茶樹菇 赤小豆 扁豆 等等
🥬椰香咖喱素雜錦
呢個咖喱係幾有驚喜 當中素牛丸最為出色 像真度極高！
配料其實仲有豆卜 菜花 薯仔 素干貝燒 可以配埋法包食
🥬紫蘿花錦繡
素食版既咕嚕肉 不過就用左麵筋代替豬肉
並加入子薑 紅椒 荔枝肉 鮮百合 素竹輪 白薑片 做配料
🥬白玉靈菇扒菜苗
估唔到係中式餐廳都會有味噌湯菠菜苗 唔怕過鹹/澀味
仲有八靈菇 雪耳 杞子 增添爽脆口感 ~
🥬甜品：合桃露 + 石榴桃粒凍
合桃露明顯食到原材料既味道 而且好濃稠
而石榴桃粒凍就一粒啫喱既狀態 好清甜~
Post
