樂農 (Closed)

平日返工午餐都係肉多菜少，間唔中都想食餐素，食得健康啲養下生咁。係同事嘅介紹下黎到呢間，食素嘅，但唔係果種用味精色素扮肉嘅素菜，係真係食齋嘅，叫餐係先攞張點餐紙選好款，先付錢，再攞餐，同大家樂大快活一樣。每日有6款菜，我揀左蕃茄薯仔，沙哆汁茄子&南乳齋，配糙米飯。仲有兩款甜品揀，芝麻糕&姜汁蕃薯糕，我就選擇試下姜汁蕃薯糕。佢出餐好快，大概2分鐘就齊哂。三款餸都好足分量，唔似飯堂丫姨隻手抽筋冇左大半碗，加上會送例湯，可以唔洗叫飲品，湯頭好好飲，應該去過油，望落好清冇乜油係面，飲落清甜冇味精味👍🏻 三樣餸都好好食，當處中最推南乳齋菜，入味又多料，唔會鹹。蕃茄薯仔亦煮得夠淋。中午想食健康，我會推薦呢間，服務同食物都係上流，但價錢實惠。另外好欣賞佢地會請聾啞人士做樓面，好有愛心嘅一間餐廳，其他員工都識手語溝通，要俾個like👍🏻