水木日本料理 (Moved) New Location

今次來到隱身於灣仔舊式大廈的日本料理店。餐廳職員會推介時令菜式，仲會幫你配埋合適的酒。食材選料認真，食物出品有質素，廚師認真，服務友善，絕對是物有所值。 酒盜芝士 香港唔係好多地方有得食。酒盜獨特的鹹鮮味道加芝士餅香脆可口，絕配。雞泡魚乾 烤軟的雞泡魚乾油脂清香，佐酒一流。枝豆毫不起眼的外貌，但就係有種獨特的吸引力，令人食唔停口。北海道薯仔沙律薯蓉香軟綿密。好開胃的前菜，仲有點住家feel。東星斑天婦羅將東星斑起肉加上粉漿生炸，原條魚上碟，唔止賣相滿分，食落香脆，肉質結實味道鮮甜，連魚骨都炸到脆卜卜，真係連骨都食埋。吞拿魚蓉飯吞拿魚蓉肥美，入口即溶，配香綿軟糯的日本米一流。京都抹茶布丁甘香的抹茶🍵味，在口中久久不散。質地介乎於啫喱與慕絲之間，入口順滑。