Video
Read full review
2024-04-17
30 views
灣仔真係有好多好嘢食同埋好高質嘅Café，食都食唔晒，期望搵一日可以試吓Café Hopping。平時去開汕頭街都係去食貓眼咖喱，今次突然之間想食Café，於是乎就行咗入去，冇諗過食物質素真係出乎意料之外地好。知道間舖頭嘅奄列比較出色，不過今次諗住食其他嘢，食完我都覺得好滿意。‣ Mixed Berries French Toast with ice cream $73麵包咬落去好鬆化，真係做到外脆內軟，就咁食已經覺得好好食。雖然佢嘅口感同平時食開嘅西多士唔同，但正正因為呢個唔同，所以冇平時食有機會食得出嘅油膩感。就算佢有糖漿同埋雪糕，我都唔會覺得佢過分甜，反而正正因為有雪糕，覺得嗰種甜可以分咗做唔同嘅層次，又熱又凍冰火交融嗰種感覺好正，令我諗返起炸雪糕。‣ Rose Latte $45平時自己有個唔好嘅習慣，就係好鍾意飲凍嘢，今次難得想試吓飲熱嘅，呢杯真係出乎我意料之外，可以話係我飲過咁多間入邊我覺得最香嘅Rose Latte，佢嘅玫瑰味真係超重，但係又唔會因為咁樣喧賓奪主，令到個咖啡好失色，相反我覺得佢襯托到咖啡豆嘅香。個拉花拉得好靚，仲有啲玫瑰花瓣喺隔離做裝飾，第一啖已經好驚艷我
‣ Mixed Berries French Toast with ice cream $73
麵包咬落去好鬆化，真係做到外脆內軟，就咁食已經覺得好好食。雖然佢嘅口感同平時食開嘅西多士唔同，但正正因為呢個唔同，所以冇平時食有機會食得出嘅油膩感。就算佢有糖漿同埋雪糕，我都唔會覺得佢過分甜，反而正正因為有雪糕，覺得嗰種甜可以分咗做唔同嘅層次，又熱又凍冰火交融嗰種感覺好正，令我諗返起炸雪糕。
‣ Rose Latte $45
平時自己有個唔好嘅習慣，就係好鍾意飲凍嘢，今次難得想試吓飲熱嘅，呢杯真係出乎我意料之外，可以話係我飲過咁多間入邊我覺得最香嘅Rose Latte，佢嘅玫瑰味真係超重，但係又唔會因為咁樣喧賓奪主，令到個咖啡好失色，相反我覺得佢襯托到咖啡豆嘅香。個拉花拉得好靚，仲有啲玫瑰花瓣喺隔離做裝飾，第一啖已經好驚艷我，絕對值呢個價錢。
#foodbara_diary
Post
