新泰東南亞餐廳 (Closed)

夜晚8點幾9點嘅時候，想搵間近灣仔站嘅餐廳食飯。最後，簡左呢間餐廳。不得不提嘅係，佢地嘅裝修真係好有泰國風味，連啲員工嘅衣著都一樣咁有泰國feel我地叫左1個菜、2個餸同埋一個炒飯。食到勁飽！見到「飛天通菜」個名咁特別，叫左黎試！只係少少辣，啲辣味唔會蓋過其他香料嘅味道，所以我自己覺得個味道幾好。之後叫左個燒豬頸肉，呢個豬頸肉切得好薄，所以食岩唔會韌，咬兩咬就得啦。再加埋佢地個醬，酸酸甜甜。重點係勁大份，勁多塊，呢個真係抵食。呢個泰國街邊豬肉串配嘅醬同豬頸肉個個一樣，都係酸酸甜甜。我地覺得佢燒得岩岩好，所以食落口都幾多肉汁，就咁食同配飯食都可以。仲有叫左個蝦醬炒飯，呢個炒飯個份量好大。上到嘅時候，見到好有心思，配左啲炒蛋絲同埋臘腸。雖然佢係蝦醬，但可以放心嘅係唔會太咸之餘，仲會食到淡淡嘅蝦醬味，所以調味係岩岩好。