新景園咖喱小廚

Open Now

Now Closed

新景園咖哩小廚地址: 灣仔春園街20號地舖#yauyau_灣仔嗰日中午去到條龍，隔咗兩間鋪咁長，都等咗半個鐘先可以入去食，大家如果喺附近返工可以叫佢哋嘅精選外賣午餐，除咗快之外，價錢係接近半價。🍖🥘咖喱炸豬扒飯 $90呢度最出名就係佢嘅咖喱豬扒，佢嘅豬扒好厚好大塊，但係佢係接近冇炸皮，而且豬肉味仲好重，成塊豬扒食落去有咬口得嚟又鬆化，點嗰啲咖喱汁嚟送飯，就好好味道。佢嘅咖喱係接近港式少少，佢冇落太多辣椒油嚟整，可以見到佢啲香料都幾足，好少港式咖喱可以唔用太多辣椒油都有咁辣咁香嘅效果。如果大家帶埋女朋友嚟食可以叫小飯，因為佢嘅份量都幾多下，會食唔哂。🥘🥘乾炒牛河 $82原先諗住叫星洲炒米，但係老闆娘話冇晒米粉，所以叫咗呢個。我會講呢個係一個合格嘅乾炒牛河，佢炒完唔算好多油，但係又未到連碟底都冇油，但係佢嘅牛肉俾得好多係接近成碟炒河嘅一半，好足料，對比佢嘅炸豬扒飯，呢一個諗住叫多樣嘢嚟試吓先叫啦。唔係太值得特別嚟呢度食佢。🥤🥤凍奶茶 $19講起值唔值得，呢杯凍奶茶係完全值回票價，佢嘅茶底香濃，個奶香又出到嚟，一啲都唔澀，師傅沖茶撞奶嘅時間完全係大師級嘅水準，嚟到一定要叫，包你一定唔會失望。