Video
Read full review
2023-11-23
25 views
肥仔今日岀業績，竟然跑贏上年第一名嘅馬拉佬，攞咗全球最佳業績no.1！為咗慰勞下屬們，請佢哋嚟食呢間精緻高檔酒店級馬拉菜！都未點菜，就已經有一籃子脆蝦片配馬拉特色蔘巴醬。食到蝦片內有微粒蝦肉，點一口蔘巴醬微辣惹味，令人食不停口！茶方面點咗鐵觀音王，底座有明火保持茶溫。茶味入口微甘而底清，回喉一口帶微甜，係靚茶靚茶！店員服務殷勤周到，會適時幫客人倒茶加水。🫖南洋傳統肉骨茶湯底嘅中藥嘅味道溫和，帶微微回甘。入面有冬菇、瘦肉、排骨、豆卜、整棵蒜頭等，材料豐富，真材實料。排骨熬到好軟稔入味，仲有舊軟骨增加咬口嘅層次。整體味道係清香易入口，好適合冬天十分暖胃。另外仲跟一碟油炸鬼，浸入肉骨茶吸晒湯汁，十分美味。黑醬油蒜蓉辣椒亦不會少，想配合嚟食嘅都可以。🫖江南香煎大頭蝦一上枱，我可經被咁大隻嘅大頭蝦所驚艷！嘩，足足有我手掌咁大隻呀！大頭蝦嘅殼呈現金黃色，散發出微微焦香。蝦肉鮮嫩多汁，蝦膏肥美，又夠厚實，口感非常彈牙。煎烤過程令蝦肉同殼都充滿了獨特嘅咸香味，肥仔連蝦殼都舔埋呢！呢道菜真心十分推薦！最令人暖心嘅係，侍應會問係用唔用手食，用手食的話會附上手套濕紙巾，方便清潔真係好細心！🫖星洲海鮮炒米粉米
都未點菜，就已經有一籃子脆蝦片配馬拉特色蔘巴醬。食到蝦片內有微粒蝦肉，點一口蔘巴醬微辣惹味，令人食不停口！
茶方面點咗鐵觀音王，底座有明火保持茶溫。茶味入口微甘而底清，回喉一口帶微甜，係靚茶靚茶！店員服務殷勤周到，會適時幫客人倒茶加水。
🫖南洋傳統肉骨茶
湯底嘅中藥嘅味道溫和，帶微微回甘。入面有冬菇、瘦肉、排骨、豆卜、整棵蒜頭等，材料豐富，真材實料。排骨熬到好軟稔入味，仲有舊軟骨增加咬口嘅層次。整體味道係清香易入口，好適合冬天十分暖胃。
另外仲跟一碟油炸鬼，浸入肉骨茶吸晒湯汁，十分美味。黑醬油蒜蓉辣椒亦不會少，想配合嚟食嘅都可以。
🫖江南香煎大頭蝦
一上枱，我可經被咁大隻嘅大頭蝦所驚艷！嘩，足足有我手掌咁大隻呀！大頭蝦嘅殼呈現金黃色，散發出微微焦香。蝦肉鮮嫩多汁，蝦膏肥美，又夠厚實，口感非常彈牙。煎烤過程令蝦肉同殼都充滿了獨特嘅咸香味，肥仔連蝦殼都舔埋呢！呢道菜真心十分推薦！
最令人暖心嘅係，侍應會問係用唔用手食，用手食的話會附上手套濕紙巾，方便清潔真係好細心！
🫖星洲海鮮炒米粉
米粉呈金黃色，微微濕潤唔會乾，唔會油，吸收咗各種調味料的風味，同海鮮充分融合，鮮味十分豐富。蝦仁夠爽脆嫩滑，芽菜都好爽口，肉絲油潤，口感十分有層次。有鑊氣嘅加乘，配微辣嘅辣醬同酸瓜，好開胃。
同茶記嘅星洲米好唔同，呢度嘅米粉唔會沾上黃色香粉炒，所以唔會越食越乾口，味道都鮮甜好多，屬佳品也！
🫖馬來脆皮曼煎糕
即叫即煎手工嘢！所以都等咗十幾分鐘。曼煎糕加咗花生碎、糖和玉米粒，吃起嚟甜而不膩。煎至薄脆嘅餅皮咬落卜卜作響，外酥內嫩，口感豐富。
🫖貓山王楊枝金露
中間有一球香甜軟糯的貓山王果肉，相信果肉加入咗奶去搓揉，令榴連嘅鋒芒温和了一點，香濃得來唔會搶走主角嘅味道。楊枝金露有著香甜濃郁嘅香芒味，有少許鮮芒果粒、西柚、西米等，相當有口感。 為呢餐作一個完美嘅句號。
🫖薏米糖水
最後仲送咗個薏米糖水，唔算好甜，清清淡淡，清除燥熱，身體舒暢！
總結，呢度除咗食物質素高，環境座位舒適外，餐廳嘅服務亦非常出色，服務員笑容可掬，態度友善，耐心介紹菜式，令我哋嘅用餐體驗非常愉快！
Post
