勝記酒家 (Closed)

自問一向都幾中意食中菜，今日到左傳統嘅中菜館，當然就要食巧手嘅中式小菜。香噴噴嘅例牌燒乳豬，皮脆肉嫩，脂肪唔多，食完都無油膩嘅感覺。將熱騰騰嘅包點夾上一片脆乳豬，甚有飽足嘅感覺。翡翠珊瑚蚌蝦球亦甚具功架，將西芹抄得爽口而帶有甜味，海鮮亦帶有彈牙嘅口感，尤其平時好少食到嘅珊瑚蚌，絕對值得品嚐。而薑蔥蠔煲用料唔需要複雜，簡單嘅香蔥、薑片、加上大大隻嘅桶蠔就已經足夠。蠔隻無任何雜質，緊緊鎖上醬汁，非常美味。