Video
Read full review
2022-07-19
509 views
在灣仔聖佛蘭士街斜路上，有幾間食店，其中一間叫木火堂嘅日式串燒店，門口已經非常有日本feel，店舖內嘅木系裝修，紅色燈籠，就有如置身在日本食串燒一樣，非常有感覺，店舖唔太大，有幾張普通坐枱同埋吧枱，呢度除咗食串燒，樓上嘅糊塗燒肉都係同一個老闆，而且係用炭火處理，下次一定要試埋🔥🔥🔥呢度除咗有氣氛之外，串燒嘅味道好特別，同坊間嘅串燒店好唔同，問一問師傅，原來佢哋因應唔同嘅食材嘅調味料都係特別製造，譬如調味粉就係用咗18種唔同香料組成，燒汁亦係特別調配，所以真係特別好食，仲有喜歡佢哋放串燒嘅木盤，每次燒好就放上木盤，又好睇又唔使用咁多碟👍🏻👍🏻👍🏻🐷▪️秘製燒鹵大腸 $ 32豬腸皮燒得好香脆，滷水味非常出色好入味，大腸係轉轉圈帶肥膏，最邪惡但最好食🐮▪️燒牛筋丸 $ 38本身冇諗住食，但係店主強烈推介，話直接喺汕頭取貨，果然冇介紹錯，肉汁豐富，好彈牙，真心正👅▪️鹽燒特級牛舌芯 $ 68厚薄適中，軟淋又爽口，配上黑椒同特制調味粉，好好食，同埋已經切好咗，方便進食🐥▪️日式新鮮雞肝 $ 28新鮮就是好食，生熟程度剛好，中間口感柔潤🐣▪️日式燒手羽 $ 24雞翼大大隻好肥美，非常入味，肉質好Juicy
在灣仔聖佛蘭士街斜路上，有幾間食店，其中一間叫木火堂嘅日式串燒店，門口已經非常有日本feel，店舖內嘅木系裝修，紅色燈籠，就有如置身在日本食串燒一樣，非常有感覺，店舖唔太大，有幾張普通坐枱同埋吧枱，呢度除咗食串燒，樓上嘅糊塗燒肉都係同一個老闆，而且係用炭火處理，下次一定要試埋🔥🔥🔥
呢度除咗有氣氛之外，串燒嘅味道好特別，同坊間嘅串燒店好唔同，問一問師傅，原來佢哋因應唔同嘅食材嘅調味料都係特別製造，譬如調味粉就係用咗18種唔同香料組成，燒汁亦係特別調配，所以真係特別好食，仲有喜歡佢哋放串燒嘅木盤，每次燒好就放上木盤，又好睇又唔使用咁多碟👍🏻👍🏻👍🏻
🐷▪️秘製燒鹵大腸 $ 32
豬腸皮燒得好香脆，滷水味非常出色好入味，大腸係轉轉圈帶肥膏，最邪惡但最好食
🐮▪️燒牛筋丸 $ 38
本身冇諗住食，但係店主強烈推介，話直接喺汕頭取貨，果然冇介紹錯，肉汁豐富，好彈牙，真心正
👅▪️鹽燒特級牛舌芯 $ 68
厚薄適中，軟淋又爽口，配上黑椒同特制調味粉，好好食，同埋已經切好咗，方便進食
🐥▪️日式新鮮雞肝 $ 28新鮮就是好食，生熟程度剛好，中間口感柔潤
🐣▪️日式燒手羽 $ 24
雞翼大大隻好肥美，非常入味，肉質好Juicy ，配上特制嘅調味粉，好惹味，必食必食
🐔▪️香脆雞皮串 （兩串） $38
鍾意食呢種燒雞皮燒得好乾身，鹹鹹香香，好似食薯片一樣咁香脆
🐟▪️鹽燒鮮白鱔 $ 78鍾意食白鱔嘅朋友呢個又係一定要食，好新鮮，非常彈牙，白鱔皮又燒得好香脆，仲有三大件，好抵食
🍆▪️秘制黃金蒜蓉茄子皇 $ 48
茄子超級大條，加上大量蒜蓉香料，味道有點像串川式味道，帶微微香辣，好食好食
🧆▪️芝士黑松露燒巨菇 $ 68
呢個都一定要支持，睇相就知道面頭芝士有幾澎湃，中間夾住係黑松露醬，大啡菇又Juicy ，夾埋一齊食，想像到味道有幾正嗎？
🧀▪️芝士年糕 $ 28
我的心頭好，只要燒到外脆中間芝士溶化就是好食
🫔▪️蒜蓉豆腐皮 $ 22 / 芫荽豆腐皮 $ 22
呢個唔係度度有得食，豆腐皮中間包住芫荽/ 蒜蓉配上黃豆醬一齊燒，豆腐皮燒到脆卜卜，中間味道鹹鹹香香，特別我係芫荽控，好鬼鍾意食
🦪▪️清酒花蛤 $ 88
湯頭充滿胡椒清酒香，好鮮甜，花甲都算係幾大隻幾新鮮，唔錯
🍺▪️Red Rice Ale $ 68 / Orion 沖繩生啤 $ 78
食串燒配啤酒是必須的，Orion生啤其中一款我最喜愛的啤酒，好順口，朋友就飲手工啤酒，麥味香濃易入口，幾啱女仔飲
✨一定會再回訪的串燒店，整體質素好好，味道是數一數二的好食，店主好用心製作食材的味道， 而且價錢公道，推薦👍🏻
Post
