Video
Read full review
2018-05-11
89 views
咁耐以來，食fine dining既機會真係少之又少，所以今晚真係好興奮！上到去見到一幅用大大小小酒樽裝飾既玻璃牆，襯埋古典風格檯凳，坐係窗口又可以望到街，黃昏時候好靚～食左佢地出名既signature 7道菜晚餐，心情靚靚叫左野飲，男友既香檳口感順滑，氣泡持久；我就飲bloody mary既mocktail，番茄香加上少少辣味，感覺清爽。小食有4款，放係原木托盤上面，其中一款用左片好濃好香既芝士，印象深刻，另外巴馬火腿都好好食。比起出面既魚子醬佢呢個好似係無咁鹹，反而魚子本身既味突出d，仲有個慕絲係底一齊食，幾得意。中間食左個煎得好香既鵝肝同冷盤紅蝦，第一次食鵝肝伴奇異果醬，醬汁酸酸地竟然將油膩既感覺中和晒，勁鐘意呢個配搭。奶油醬闊條麵，侍應拎左粒黑松露放係我地檯面，即刻磨一片片既松露落個pasta度，鋪到個面都滿晒! 松露香即刻撲鼻而來，撈埋個汁同個麵，煮到啱啱好，有al dente既效果，而且啖啖都食到松露片。用茴香同橙醬慢煮既厚切豬肉，稔到唔使用力就切得開，脂肪同瘦肉好平均咁一層一層，高質既肉食落唔覺得膩，同個汁都好夾。朱古力蛋糕伴香蕉慕絲和雲呢拿雪糕，蛋糕夠濕潤，慕絲唔會太甜
上到去見到一幅用大大小小酒樽裝飾既玻璃牆，襯埋古典風格檯凳，坐係窗口又可以望到街，黃昏時候好靚～
食左佢地出名既signature 7道菜晚餐，心情靚靚叫左野飲，男友既香檳口感順滑，氣泡持久；我就飲bloody mary既mocktail，番茄香加上少少辣味，感覺清爽。
小食有4款，放係原木托盤上面，其中一款用左片好濃好香既芝士，印象深刻，另外巴馬火腿都好好食。
比起出面既魚子醬佢呢個好似係無咁鹹，反而魚子本身既味突出d，仲有個慕絲係底一齊食，幾得意。
中間食左個煎得好香既鵝肝同冷盤紅蝦，第一次食鵝肝伴奇異果醬，醬汁酸酸地竟然將油膩既感覺中和晒，勁鐘意呢個配搭。
奶油醬闊條麵，侍應拎左粒黑松露放係我地檯面，即刻磨一片片既松露落個pasta度，鋪到個面都滿晒!
松露香即刻撲鼻而來，撈埋個汁同個麵，煮到啱啱好，有al dente既效果，而且啖啖都食到松露片。
用茴香同橙醬慢煮既厚切豬肉，稔到唔使用力就切得開，脂肪同瘦肉好平均咁一層一層，高質既肉食落唔覺得膩，同個汁都好夾。
朱古力蛋糕伴香蕉慕絲和雲呢拿雪糕，蛋糕夠濕潤，慕絲唔會太甜，雪糕仲淋左少少義大利黑醋上去，估唔到食雪糕可以加醋，仲好match添！邊食邊傾計睇夜景，完滿結束💕
Post
