Café Relay (Closed)

友人喺灣仔做嘢，佢有一日行過大王東街見到有間係條細巷嘅Cafe仔幾得意，於是就帶埋我去試下間Cafe唔係幾大，都坐得幾舒服，好識合同朋友飲嘢傾偈。擺設及裝修幾有心思，氣氛令人放鬆。間 Cafe 幾受歡迎，要提前訂枱。食飯時見到有好幾個人想 walkin  都無位。Lunch Set 幾抵食， 百零蚊就有個沙律、餐湯、主菜同埋餐飲。仲唔駛加一。我叫咗個醬燒豬肋骨，朋友就要香煎帶子 Pesto 意大利飯。是日餐湯係甘筍湯，酸酸甜甜幾開胃。個沙律加咗麻醬。個醬燒豬肋骨好嫩滑，用支叉輕輕力就可以將啲肉同骨分開，個燒烤醬幾惹味。 薯條熱辣辣好香口。朋友話個意大利飯都唔錯，個 Pesto 醬幾清新，好似係新鮮做咁。帶子就不過不失。我哋兩個餐飲都叫咗有機茶嚟消滯。個茶壺同茶杯係一套仲可以疊起，慳位又得意。