Video
Read full review
2023-04-16
819 views
係灣仔附近完左活動一大班人去左呢間book好位嘅糖水舖 雖然店面唔大 但係都預留左十幾個位比我地🥺食嘅時候都見到好多人來外賣或者係經wts落左單直接過來拎！呢度menu多數係中式糖水 但係又多左好多唔同嘅口味 最抵讚係雖然係創新但係多數都係中式傳統嘅口味 例如栗子芋蓉 奶黃等等！🍨奶黃西米露💰38因為來得太遲所以本身想食嘅奶皇丸子西米露已經賣曬😩冇得一路食奶皇湯圓一路飲奶皇味嘅西米露lu 好彩仲有奶黃西米露🫢第一次見西米露有奶皇味 呢度嘅西米露比較偏濃稠 個人都鍾意呢種多D 唔鍾意好似水咁嘅水果款🤣 每粒西米都又大粒又飽滿 浮左上表面 已經浸滿奶皇嘅西米粒偏軟 一次過吞幾粒都唔難！奶皇湯就糊狀D 每啖都幾黏口 就算冇丸子加分都好滿足！🍧雪紋奶冰💰42聽聞呢度最出名就係奶冰 除左原味牛奶 仲有好多港式奶茶等！份量都唔細 好似成座雪山咁 沙冰嘅質感唔重 冰碴唔多 細紋就滲進了牛奶嘅香甜 雖然好味又解渴 但係食完一碗絕對唔夠喉 建議同frd share唔同口味！！整體來講呢度糖水唔會淨係得芝麻糊 芒果西米露個種 仲融入左唔同中式口味 但係料就唔會太heavy 所以夜晚來食返個糖水都係唔錯嘅選
係灣仔附近完左活動一大班人去左呢間book好位嘅糖水舖 雖然店面唔大 但係都預留左十幾個位比我地🥺食嘅時候都見到好多人來外賣或者係經wts落左單直接過來拎！
呢度menu多數係中式糖水 但係又多左好多唔同嘅口味 最抵讚係雖然係創新但係多數都係中式傳統嘅口味 例如栗子芋蓉 奶黃等等！
🍨奶黃西米露
💰38
因為來得太遲所以本身想食嘅奶皇丸子西米露已經賣曬😩冇得一路食奶皇湯圓一路飲奶皇味嘅西米露lu 好彩仲有奶黃西米露🫢第一次見西米露有奶皇味 呢度嘅西米露比較偏濃稠 個人都鍾意呢種多D 唔鍾意好似水咁嘅水果款🤣 每粒西米都又大粒又飽滿 浮左上表面 已經浸滿奶皇嘅西米粒偏軟 一次過吞幾粒都唔難！奶皇湯就糊狀D 每啖都幾黏口 就算冇丸子加分都好滿足！
🍧雪紋奶冰
💰42
聽聞呢度最出名就係奶冰 除左原味牛奶 仲有好多港式奶茶等！份量都唔細 好似成座雪山咁 沙冰嘅質感唔重 冰碴唔多 細紋就滲進了牛奶嘅香甜 雖然好味又解渴 但係食完一碗絕對唔夠喉 建議同frd share唔同口味！！
整體來講呢度糖水唔會淨係得芝麻糊 芒果西米露個種 仲融入左唔同中式口味 但係料就唔會太heavy 所以夜晚來食返個糖水都係唔錯嘅選擇！
📌 晶晶甜品 (灣仔)
灣仔灣仔道8號尚翹峰地下A1號舖
Post
