Video
Read full review
2023-07-16
69 views
平時唔係食西餐就係日本嘢，今次竟然唔打唔撞去咗間墨西哥菜！喺灣仔行到攰，見到間餐廳嘅裝修好 colorful，門口 menu 又唔算太貴，店員又好熱情就入咗去。🔥好有動感嘅火爐裝飾、鮮黃色嘅牆，配上紅色梳化同擺放咗好多鮮豔嘅彩色骷髏頭手工藝品，💃再加上充滿活力嘅音樂，瞬間就好似去咗外國咁！對於墨西哥，唯一概念就係《玩轉極樂園》入面講嘅亡靈節，對食物更加一無所知，所以今次都算幾新奇嘅體驗。💡自己英文唔多掂，完全雞同鴨講，但店員都好熱情，每道菜上枱都會同我哋用簡單嘅英文介紹入面有啲咩。😆最搞笑嘅係，我哋發覺自己點咗好多唔同樣嘅 Tacos，原來墨西哥脆片都有咁多唔同食法！🥠Nachos $128呢個 Nachos 份量好足，而且物有所值！粟米片質地酥脆，帶有微微嘅甜味，配上牛肉碎好惹味，再沾埋酸忌廉同牛油果醬，增添咗清新同濕潤嘅口感，送酒一流！🌮Tacos $38/1件每一份 Tacos 都夾咗爆多餡！Birria 軟嫩嘅牛肉淋上濃郁牛小排嘅湯汁，🐖 Adobada 嘅香辣豬肉配上甜甜哋嘅菠蘿，Carne Asada 嘅烤牛肉肉味十足，Camarones 嘅蝦肉鮮嫩，以及Carnitas
對於墨西哥，唯一概念就係《玩轉極樂園》入面講嘅亡靈節，對食物更加一無所知，所以今次都算幾新奇嘅體驗。💡自己英文唔多掂，完全雞同鴨講，但店員都好熱情，每道菜上枱都會同我哋用簡單嘅英文介紹入面有啲咩。😆最搞笑嘅係，我哋發覺自己點咗好多唔同樣嘅 Tacos，原來墨西哥脆片都有咁多唔同食法！
🥠Nachos $128
呢個 Nachos 份量好足，而且物有所值！粟米片質地酥脆，帶有微微嘅甜味，配上牛肉碎好惹味，再沾埋酸忌廉同牛油果醬，增添咗清新同濕潤嘅口感，送酒一流！
🌮Tacos $38/1件
每一份 Tacos 都夾咗爆多餡！Birria 軟嫩嘅牛肉淋上濃郁牛小排嘅湯汁，🐖 Adobada 嘅香辣豬肉配上甜甜哋嘅菠蘿，Carne Asada 嘅烤牛肉肉味十足，Camarones 嘅蝦肉鮮嫩，以及Carnitas 嘅香口炸豬肉，每份嘅調味都好特別，好惹味！
🍋El Gordo lemonade
以新鮮檸檬為基礎，擁有濃厚嘅檸檬香氣同天然酸甜味道，清爽解渴！
🌼Chrysanthemum Margarita
以 Margarita 為基礎，加入菊花為主要調味，清新嘅花香同微妙嘅甜味，每一口都充滿墨西哥風味，帶來愉悅同放鬆嘅感覺。
Post
