Video
Read full review
2021-12-10
616 views
有時瓹窿瓹罅去揾嘢食反而會有意外收穫，呢間「Two Ediots」位置都算隱蔽，但個店名同店面設計就相當吸睛😂 近門口個餐枱位同餐廳內嘅壁畫都幾啱打卡📸店內人唔算多，可以靜靜哋同朋友食吓嘢！餐廳電視播住MMA，我都睇到好入神🤭 差啲唔記得影食物相😆呢度逢星期一至日都有提供唔同優惠，大家嚟之前可以睇定有咩優惠先！👀❤️ 鵝肝牛肉漢堡 $88 + Combo set B (+$25) : Cheese Fries + Lemon Coke鵝肝牛肉漢堡真係好邪惡😈 麵包有事先用牛油烘過，微脆軟熟！麵包夾住兩塊鵝肝、近乎熱熔嘅芝士、厚身牛肉、生菜，材料豐富。鵝肝煎到表面脆且香口，有光澤✨ 牛肉偏鹹牛味濃重，而且多汁，配上Black Currant 醬汁中和咗油膩感👌🏻 店員仲好貼心附上手套，可以盡情大啖食，唔洗食得咁狼狽🙊☞︎ Cheese Fries薯條粗身新鮮即炸，除咗淋上濃厚芝士醬，仲灑上煙肉脆粒🥓 確係滋味，你一啖我一啖好快就食哂，連芝士醬都被我哋清哂😛❤️ 煙肉牛肉漢堡 $68 + Combo set B (+$25) : Cheese sticks & Vanilla Milkshak
近門口個餐枱位同餐廳內嘅壁畫都幾啱打卡📸
店內人唔算多，可以靜靜哋同朋友食吓嘢！餐廳電視播住MMA，我都睇到好入神🤭 差啲唔記得影食物相😆
呢度逢星期一至日都有提供唔同優惠，大家嚟之前可以睇定有咩優惠先！👀
❤️ 鵝肝牛肉漢堡 $88 + Combo set B (+$25) : Cheese Fries + Lemon Coke
鵝肝牛肉漢堡真係好邪惡😈 麵包有事先用牛油烘過，微脆軟熟！麵包夾住兩塊鵝肝、近乎熱熔嘅芝士、厚身牛肉、生菜，材料豐富。鵝肝煎到表面脆且香口，有光澤✨ 牛肉偏鹹牛味濃重，而且多汁，配上Black Currant 醬汁中和咗油膩感👌🏻 店員仲好貼心附上手套，可以盡情大啖食，唔洗食得咁狼狽🙊☞︎ Cheese Fries
薯條粗身新鮮即炸，除咗淋上濃厚芝士醬，仲灑上煙肉脆粒🥓 確係滋味，你一啖我一啖好快就食哂，連芝士醬都被我哋清哂😛
❤️ 煙肉牛肉漢堡 $68 + Combo set B (+$25) : Cheese sticks & Vanilla Milkshake
煙肉牛肉漢堡有兩片煙肉、芝士、生菜、蕃茄同牛肉。煙肉煎到脆身有鹹香加咗蕃茄令漢堡更爆汁更濕潤💦 睇落係好經典嘅美式漢堡風味，但其實佢特別在於用上佢哋Signature嘅Greek Tzatziki 醬汁，更健康更開胃😙
☞︎ Cheese sticks佢哋個cheese stick個拉絲程度真係好誇張🤩 如果企起身拉應該可以再拉更長😂 外層炸到香脆金黃，每一啖都係軟滑嘅水牛芝士😝 芝士控唔可以錯過！如果分量可以再多一兩條就好啦🙈
☞︎ Vanilla Milkshake 質地似沙冰，奶香算濃，雲呢拿味自然，唔算太甜或死甜，冰冰涼涼咁🥤
餐廳推薦度：⭐️⭐️⭐️⭐️ (4/5)
係一間都唔錯嘅小店，嗰日去到人流唔多，相對寧靜。店員都幾友善，大家可以去多啲支持一吓呢啲小店🙌🏻 逆市開舖唔容易啊～
補返其他Menu先👇🏻
Post
