Bamboo Thai (屯門市廣場1期)

Open Now

Now Closed

放工同同事入屯門食野，我地揀咗食泰國野。一共點咗四樣野share食，包括炸魷魚、通菜、細火山排骨同埋大蝦炒金邊粉。炸魷魚外層酥脆，點埋甜酸醬食好開胃，冇咩油膩感覺，令人一啖接住一啖食唔停口。馬拉盞通菜好惹味，最正既係冇想像中咁鹹，入面仲有粒粒蝦米，好有住家菜既感覺~大蝦炒金邊粉既大蝦好爽口彈牙，仲預先去咗蝦腸，好貼心！金邊粉炒得好香，食既時候曬上花生碎， 好味道！最後食既係火山排骨，雖然我地點咗細size，但都比想像中巨型！店舖好貼心，會提供手套比我地。本身排骨既味道唔太濃，蘸一蘸酸酸地既醬汁嚟食，好有泰式風味。