圓點工房

Open Now

Now Closed

火炭工業區想搵一間靚靚地的餐廳唔係咁易，不過近年有好轉，開多左唔同特色的餐廳。 包括有食台灣野的Fooody、玻璃屋的拾悅，而今次我就去左華樂的圓點工房。入到餐廳，地方都唔會太逼。可能個陣未係繁忙時間。餐廳裝修用走北歐風格，感覺舒服。點餐需要自己到收銀處點餐，所以就唔使收加一服務費啦～點完餐，職員會送上餐湯同蒜蓉包。今日個餐湯係忌廉湯，不過不失。到主菜，今日我點左大胃王漢堡。厚厚的漢堡肉，食落有肉汁唔會乾柴柴。再配上大量生菜，個包真係好厚。要擘到個口最大，先可以一啖食哂咁多層。不得不提佢哋既炸薯條 ，係厚切連皮果種，外脆內軟，上到台仲係熱辣辣既好新鮮！