米走雞Deluxe (Moved) New Location

之前都有去過觀塘分店，食過都覺得好正，今次同朋友去銅鑼灣分店，呢度嘅座位真係舒服啲。🍴火焰雞煲 $198我哋嗌咗細份嘅同BB辣，職員會幫我哋撈勻佢，仲可以睇到噴火表演🤣，雞煲非常惹味，個辣醬甜甜地得來又有麻辣嘅香味同辣感，啲雞肉都好大件同埋好嫩滑，果然冇失望！🍴蟹籽墨魚滑 $98佢嘅份量都幾多，墨魚滑非常彈牙，食得出係真材實料，加埋蟹子，煙靭中又有蟹籽爆開嘅感覺，幾正。🍴牛柏葉 $43打邊爐必食，好爽脆，大大啖食好滿足。🍴鮮炸響鈴 半份 $32冇諗過佢嘅炸響鈴係咁巨型，加埋雞煲嘅味道，成個湯汁好好食。🍴紅薯粉 $22掛湯食一流，有口感！