Video
Read full review
2018-08-15
57 views
餐廳設計好特別~係以一個火車站做主題，一入去就見到“ticket”既收銀處，配上不同地區既時鐘，火車軌，火車擺設再加上柔和燈光，一直播放住70-80年代既英文歌...lemon tree..dancing queen...my heart will go on,就好似跟住餐廳老闆去左轉歐遊食物方面有好多選擇，除左小食外，分左意粉類，飯類，肉類，pizza...都可以加18蚊轉做set,配上餐湯or 沙律，再配有1杯飲品！呢次我就叫左香辣田螺，意大利香草扁意粉，招牌豬肋骨，轉做2個set, 再加甜品荔枝干酪蛋糕（叫完之後發現自己太貪心，因為份量好好大）是日餐湯好似叫薯仔雜菜湯，會跟一塊蒜蓉多士，好脆另一份就跟沙律，菜好新鮮，有蕃茄，洋蔥，個沙律汁都好醒胃，應該用橙汁再溝d醋，酸酸甜甜香辣田螺~呢個好惹味,田螺已經起殼，香辣汁伴有洋蔥及菇，主角配角都一樣咁入味意大利香草雞肉扁意粉~雞肉原來以雞扒切件上，每條意粉都沾滿咗香草嘅味道，夠晒汁招牌豬肋骨~呢個一上檯就好震撼，我完全無expect過咁大份，有2大件ribs伴薯角，切開之後有12，13件，每件ribs都有滿滿既bbq sauce,薯角
食物方面有好多選擇，除左小食外，分左意粉類，飯類，肉類，pizza...都可以加18蚊轉做set,配上餐湯or 沙律，再配有1杯飲品！
呢次我就叫左香辣田螺，意大利香草扁意粉，招牌豬肋骨，轉做2個set, 再加甜品荔枝干酪蛋糕（叫完之後發現自己太貪心，因為份量好好大）
是日餐湯好似叫薯仔雜菜湯，會跟一塊蒜蓉多士，好脆另一份就跟沙律，菜好新鮮，有蕃茄，洋蔥，個沙律汁都好醒胃，應該用橙汁再溝d醋，酸酸甜甜
香辣田螺~呢個好惹味,田螺已經起殼，香辣汁伴有洋蔥及菇，主角配角都一樣咁入味
意大利香草雞肉扁意粉~雞肉原來以雞扒切件上，每條意粉都沾滿咗香草嘅味道，夠晒汁
招牌豬肋骨~呢個一上檯就好震撼，我完全無expect過咁大份，有2大件ribs伴薯角，切開之後有12，13件，每件ribs都有滿滿既bbq sauce,薯角炸得好香口，果然係招牌！另外覺得呢間餐廳好細心，食ribs會提供膠手套，方便食用（用手食先夠滋味）
荔枝干酪蛋糕~甜品細細件，share食，軟身既cheese cake,荔枝味清甜，食落唔會好膩，雖然只係1件蛋糕，但餐廳都會整到靚一靚，好有heart
餐飲分別叫左熱檸茶，男友upgrade叫百花園水果茶，熱檸茶就唔多講！但百花園水果茶就不得了，係勁大杯，應該要2個人share,茶底味夠，唔太甜，大量水果 （火龍果，士多啤梨， 藍莓，奇異果）飲完好清爽感覺
Post
