曼谷車站

Open Now

Now Closed

收工嚟食大餐，餐廳既門面成架火車咁，有卡位同卡號，好似去左火車博物館咁，幾特別。黃咖哩牛本身唔食得太辣，所以幾欣賞呢度嘅咖哩做到香濃而不辣。薯仔吸滿濃濃咖哩汁，滋味無窮，送飯一流。蒜蓉包不過今次就加左蒜蓉包，幾香脆，沾咖哩汁真係會食到停唔到口。泰式海南雞飯雞既份量都算多，唔係得幾件，而且食唔到有碎骨，值得一讚👍🏻雞肉亦處理得十分好，食落相當嫰滑，唔會太老或太鞋，絕對係水準之上既海南雞。但油飯略嫌較重味，如落少d雞油會更好。芒果沙冰芒果味非常濃郁，清甜解渴，同份量都幾大杯。珍多冰粉條嫩滑，椰漿清甜，飲落甜度適中。