Video
Read full review
2015-12-18
857 views
尋尋覓覓，呢幾日勁大風又寒風凜冽，冇咩特別事真係唔想行岀街，偏偏小妹呢日就有事要黎灣仔，搞掂所有野就梗係要醫肚。左行右行，我只係想搵d熱湯野食暖下個胃，於是入左呢間睇落稍有特別既越南餐廳。一入門口就見到個火車頭，不過我地被安排坐卡位，冇得坐火車頭lu. 可能臨近聖誕， 餐廳都擺滿聖誕裝飾，其中一面牆掛左幾個鐘顯示唔同地區既時間，其實小妹見識淺，就唔知咁擺係咪有特別意思？定同歷史有關？如果有仁兄肯指教下就好喇。點左個火車頭，因為見佢有俾手指公，又配合餐廳名，就諗唔到有理由唔叫呢個. 其實lunch menu 都有火車頭既，不過得輕量版，我想一見佢真身，所以冇叫set.侍應先送上辣椒粒同金不換，仲有生芽菜同一碟醬油。店家豪不吝嗇d辣椒粒同金不換，因為本人食越南野一定要呢兩樣，咁樣先覺得正宗。其實我係間鋪既第一枱客，但都等左成十五分鐘，個火車頭先黎。。。的確好大碗！顯得小妹個手好細tim. 睇落以為冇乜料，原來d餸只係俾滿滿既湯遮蓋住，有好多牛肉，牛丸，牛柏葉，牛根等等，總之多到我都食唔晒。除左牛根外，其他配料都唔錯，尤其個牛丸，夠爽口彈牙。但個牛根就。。。我估係之前處理得未夠時間，因為牛根
一入門口就見到個火車頭，不過我地被安排坐卡位，冇得坐火車頭lu. 可能臨近聖誕， 餐廳都擺滿聖誕裝飾，其中一面牆掛左幾個鐘顯示唔同地區既時間，其實小妹見識淺，就唔知咁擺係咪有特別意思？定同歷史有關？如果有仁兄肯指教下就好喇。
點左個火車頭，因為見佢有俾手指公，又配合餐廳名，就諗唔到有理由唔叫呢個. 其實lunch menu 都有火車頭既，不過得輕量版，我想一見佢真身，所以冇叫set.侍應先送上辣椒粒同金不換，仲有生芽菜同一碟醬油。店家豪不吝嗇d辣椒粒同金不換，因為本人食越南野一定要呢兩樣，咁樣先覺得正宗。
其實我係間鋪既第一枱客，但都等左成十五分鐘，個火車頭先黎。。。的確好大碗！顯得小妹個手好細tim. 睇落以為冇乜料，原來d餸只係俾滿滿既湯遮蓋住，有好多牛肉，牛丸，牛柏葉，牛根等等，總之多到我都食唔晒。除左牛根外，其他配料都唔錯，尤其個牛丸，夠爽口彈牙。但個牛根就。。。我估係之前處理得未夠時間，因為牛根係爽夾小小硬，根本未lum. 原本覺得個湯唔夠味，帶小甜，不過飲下飲下愈飲愈多。如果有落味精，正路我飲多兩啖就會覺得'確'喉，呢個湯就冇咁既情況岀現，所以個火車頭對小妹黎講雖講不上好好味，不過都算係唔錯。
Other Info. :
最後想講，唔係話呢度既姐姐招呼唔好，只可以講同好多餐廳一樣唔識變通。我見到有一對應該係夫婦入黎，自己坐左係靠window 的四人位置，當時時間尚早，十二點咁上下，有個我估係經理既女人雖然好有禮貌咁唔俾佢地坐嗰個位，話嗰個位只俾四人坐，其實我又听到對couple話想睇住部車，會快食快走，但個經理都禮貌地拒絕左，結果對夫婦冇食走左。個人認為可同個客講如果岩小小人多可能要搭枱呀之類既說話，況且佢地都話想睇住部車既，都真係會快食快走既。有時餐廳訂下的規矩都可因應個別情況而執行的吧。
(The above review is the personal opinion of a user which does not represent OpenRice's point of view.)
Post
