Video
Read full review
2022-09-25
987 views
依排天氣好熱，所以喺朗豪坊行完街就想食啲light food。成日喺4樓搭長電梯都會見到依間餐廳，又唔洗等位就決定試試佢。餐廳裝修簡潔，卡位位置上頭都設有一個帳篷仔，加上暖和嘅燈光增加了一份舒適感。美祿哥斯拉 ($36)(⭐⭐⭐⭐💢)我同朋友都好鍾意飲美祿恐龍，每次食東南亞菜都會嗌，杯飲品落足美祿粉，好濃郁又大杯，真係好滿足。越式法包 ($63)(⭐⭐⭐⭐⭐)法包好大份，完全可以當佢係一個正餐。個餡用料豐富，有燒豬肉，扎肉，酸菜同沙律菜。每樣材料都份量適中，新鮮番茄令個包食落都fresh啲。咖喱軟殼蟹 ($78)(⭐⭐⭐⭐⭐)心郁郁想食炸野就嗌左個咖哩軟殼蟹。依個真係性價比之王，$78有1.5隻蟹喺入面，大大份之餘仲炸得好脆，就算浸住咖哩都保留到香脆嘅口感，完全保留到食軟殼蟹嘅精髓，就係脆！咖哩可以落多少少香料令個味更濃郁。香茅豬扒撈檬 ($79)(⭐⭐⭐⭐⭐)豬扒同檬粉都不過不失，檬粉份量十足。豬扒算厚身，夠juicy。酸甜汁都OK，酸同甜味適中，相信係餐廳自行調製。香茅豬頸肉湯河 ($79)(⭐⭐⭐⭐💢)湯河亦不過不失，河粉軟硬度適中。豬頸肉好有香茅味，爽口彈牙好味！配合埋魚露就1
美祿哥斯拉 ($36)(⭐⭐⭐⭐💢)我同朋友都好鍾意飲美祿恐龍，每次食東南亞菜都會嗌，杯飲品落足美祿粉，好濃郁又大杯，真係好滿足。
越式法包 ($63)(⭐⭐⭐⭐⭐)法包好大份，完全可以當佢係一個正餐。個餡用料豐富，有燒豬肉，扎肉，酸菜同沙律菜。每樣材料都份量適中，新鮮番茄令個包食落都fresh啲。
咖喱軟殼蟹 ($78)(⭐⭐⭐⭐⭐)心郁郁想食炸野就嗌左個咖哩軟殼蟹。依個真係性價比之王，$78有1.5隻蟹喺入面，大大份之餘仲炸得好脆，就算浸住咖哩都保留到香脆嘅口感，完全保留到食軟殼蟹嘅精髓，就係脆！咖哩可以落多少少香料令個味更濃郁。
香茅豬扒撈檬 ($79)(⭐⭐⭐⭐⭐)豬扒同檬粉都不過不失，檬粉份量十足。豬扒算厚身，夠juicy。酸甜汁都OK，酸同甜味適中，相信係餐廳自行調製。
香茅豬頸肉湯河 ($79)(⭐⭐⭐⭐💢)湯河亦不過不失，河粉軟硬度適中。豬頸肉好有香茅味，爽口彈牙好味！配合埋魚露就100分。
整體而言，餐廳性價比高，商場嘅環境亦方便行街消閒。~~~~~~~~~~~~~~~~~~~~~~~~~~~~~
火車頭越南餐室 (朗豪坊) 旺角亞皆老街8號朗豪坊4樓12號舖
👍環境舒適
👍選擇豐富
👍經典味道
Post
