Video
Read full review
2010-05-27
268 views
以前經過石燒，晏晝還是夜晚都好，都唔太多客人，因為依度一餐飯價錢唔平，但近年經過，就好唔同，多咗好多客，除經濟好番之外，做緊嘅Citibank推廣套餐功不可抹，加埋一都係百鬆少少就有一個石燒午餐，真係好吸引，尤其好似我哋依類唔係吓吓食得起貴嘢嘅人，咁著數更係唔放過哩D難得嘅機會啦！加上係石燒，啱晒我貪新鮮，又貪便宜嘅港人心態，哈哈！先哩一小籃意大利香草包，唔係好夠暖，但非常鬆軟，幽幽香草味，配埋個西蘭花忌廉湯，幾OK喎，湯唔算滑溜，但西蘭花味夠濃！主菜係石燒美國上等牛肩扒，兩件牛肩扒放晌塊火辣辣嘅石板，「滋滋」聲咁晌，甚有動感。石燒好玩在你想七成熟又得，五成熟都得，得咗！不過，個侍應教咗點燒，到自己試吓嘅時候，又唔係咁得心應手，最弊係D肉一開始已放咗晌石板度，無其他地方可放，所以，點都有一部份位置一路燒住，唔可以慢慢燒慢慢嘆，要諗吓計改善！除非佢哋係想D客快手快腳食完件扒啦！講番件扒，我就鍾意生D，所以切成一粒粒，「辣」均六面再燒多陣，就醮D黑椒汁哩食，真係幾軟腍，幾有肉味，間場又可以燒少少配菜食！不過好得意，個餐包飲品，但又會有一小杯橙汁俾你，無問用意何在，但食住件扒，飲吓杯鮮橙汁，
先哩一小籃意大利香草包，唔係好夠暖，但非常鬆軟，幽幽香草味，配埋個西蘭花忌廉湯，幾OK喎，湯唔算滑溜，但西蘭花味夠濃！
主菜係石燒美國上等牛肩扒，兩件牛肩扒放晌塊火辣辣嘅石板，「滋滋」聲咁晌，甚有動感。石燒好玩在你想七成熟又得，五成熟都得，得咗！不過，個侍應教咗點燒，到自己試吓嘅時候，又唔係咁得心應手，最弊係D肉一開始已放咗晌石板度，無其他地方可放，所以，點都有一部份位置一路燒住，唔可以慢慢燒慢慢嘆，要諗吓計改善！除非佢哋係想D客快手快腳食完件扒啦！講番件扒，我就鍾意生D，所以切成一粒粒，「辣」均六面再燒多陣，就醮D黑椒汁哩食，真係幾軟腍，幾有肉味，間場又可以燒少少配菜食！不過好得意，個餐包飲品，但又會有一小杯橙汁俾你，無問用意何在，但食住件扒，飲吓杯鮮橙汁，感覺上好似減低咗食扒個種油膩感。
臨尾，到甜品時間，係Haagen-Dazs雲喱拿雪糕（可惜味道係無得揀），賣相有D麻麻，一來個雪糕球頗細，但又配隻好大嘅碟，唔多襯；其次，哩到有D溶溶哋。咖啡就好香濃，帶少許酸，為哩餐晏仔作個好結局！
雖然以前未幫襯過，依次係第一次，個信用卡套餐又平咗好多，但覺得無論服務同食物質素都無話打咗折，一樣咁好！因為主菜上枱時，除咗叫我哋留心塊石板好熱之外，亦簡單講解燒幾耐就有幾多成熟嘅效果，依兩樣嘢都預咗佢應該要做嘅服務。我哋三個人俾一籃得四片嘅香草包，所以就問可唔可以要多一兩塊香草包時，佢唔會俾面色之餘，好快送到，仲要係俾過一籃新嘅添！論環境，其實坐倚、燈光都令人好悠閒，好輕鬆，枱凳晌擺位方面又唔算逼，晌枱面又放咗幾個精緻嘅調味樽，D湯碗、杯碟色澤幾柔和，整體都令人覺得幾舒服，所以我哋邊食邊傾偈都坐咗成兩個鐘。
Post
