浦井韓食居酒屋 (Closed)

韓流嘅衝擊真係抵擋唔住，尤其係燒肉都炸雞都係我至愛，真係要緊貼潮流試下浦井呢類新派嘅韓式燒店！上牛烤$288，有五款牛部位，小牛排、肉眼、牛肩胛脊、腹胸肉同牛舌。成個拼盤賣相精美，味道都唔輸蝕，仲夾雜左幾款蔬菜。侍應姐姐好好人，會過嚟幫我地倒鐵板雞蛋，又幫我地燒肉，仲提我地啲肉唔好放咁邊邊，唔係好易俾啲油彈到。我就最鐘意小牛排，肉味濃薄切，輕輕一燒就食得，包住生菜食，仲可以去油膩感。方形肉眼真係考功夫同耐性，每面都要燒得均勻，切開睇睇，都汁多肉嫩，嫌生嘅我就放返落去燒多陣😜食燒肉當然唔少得配啤酒，整杯朝日生啤冰涼透心！鐵板雞蛋好食又好玩！等佢熟到一半先將佢反轉做流心蛋，有淨雞蛋又有惹味泡菜蛋，唔錯啊！高麗人蔘燉全雞，因為浦井啲嘢食都好大份，侍應姐姐就提議如果驚食唔晒，可以叫半隻雞，我地唔想食剩嘢浪費，有唔同份量揀係貼心嘅！兩個人分到一人一滿碗，個雞湯滲出淡淡嘅糯米味，材料有紅棗杞子大蔥金菇，半隻雞啖啖肉，以鐵板上個湯夠哂熱。