十二味 (和富)

Open Now

Now Closed

我和朋友都是嗜辣者🌶🌶🌶。 無論係酸辣菜式， 麻辣菜式， 或者係水煮系列我哋都係非常鍾意。相比起以前，北角多咗好多唔同類型嘅食肆同埋商場。 和富中心亦都裝修翻新， 同以前唔同曬， 大量優質食肆進駐。 其中有我哋最鍾意嘅十二味系列， 以後想食十二味 四川菜唔使去到九龍區咁遠呀😍😍😍水煮牛肉 😍😎😎最鍾意十二味水煮系列， 份量十足， 大量辣椒花椒， 秘製水煮辣汁芬香撲鼻😋😋😋牛肉嫩滑不會過老， 厚薄適中， 配埋水煮麻辣汁 刺激又過癮。 配料有水晶粉同埋蔬菜， 水晶粉絲煙韌吸收曬湯底嘅精華， 質地滑捋捋， 一口接一口😋😋大盆菜花😊😊菜花又爽口又夠脆，咸肉有鮮味，不會死咸😋😋。兩個小菜，一款辣一款微辣，刺激得來又啱啱好😊😊。